පන්දුවාර විස්සයි විස්ස ලෝක කුසලාන ක්‍රිකට් තරගාවලියේ ඉන්දියාව සට පකිස්ථානය අතර තරගයට ඇත්තේ තවත් හෝරා හතකට අඩු කාලයක්.
කොළඹ ආර්. ප්‍රේමදාස ක්‍රිකට් ක්‍රීඩාංගනයේ දී පැවැත්වෙන, ක්‍රිකට් ලෝකයම බලා සිටින මෙම තරගයට වර්ෂාව බාධා එල්ල කරනු ඇති බවයි විදෙස් වාර්තා සඳහන් කරන්නේ.
කාලගුණ අනාවැකියට අනුව වර්ෂාව ඇතිවීමට සියයට 94ක සම්භාවිතාවක් පවතින බවයි එම වාර්තාවල දැක්වෙන්නේ.
මෙරට කාලගුණ විද්‍යා දෙපාර්තමේන්තුවේ යාවත්කාලීන කිරීම්වලට අනුව දැක්වෙන්නේ ගිනිකොනදිග බෙංගාල බොක්කෙහි අඩු පීඩන ප්‍රදේශයක් නිර්මාණය වී සැලකිය යුතු වර්ෂාපතනයක් ඇති විය හැකි බවයි.
මේ අතර වර්ෂාව හේතුවෙන් තරගය අත්හැර දැමීමට යම් හෙයකින් සිදුවුව හොත් ඒ තරගය යළි පවත්වීමට වෙනත් දිනයක් වෙන්කර නොමැතිවීම හේතුවෙන් දෙපිළටම ප්‍රසාද ලකුණ බැගින් බෙදී යනු ඇති.
විස්සයි විස්ස ලෝක කුසලාන තරගාවලියේ ඉන්දියාව සහ පාකිස්ථාන අතර තරගය අද (15) පස්වරු 7.00ට ආරම්භවීමට නියමිතයි.
