ඉඩම් සංවර්ධනය කිරීමේ සංස්ථාවේ විශ්‍රාමික ප්‍රධාන ඉංජිනේරුවරයෙක් ඇතුළු තුනක් අල්ලස් කොමිසමේ අත්අඩංගුවට

ශ්‍රී ලංකා ඉඩම් සංවර්ධනය කිරීමේ සංස්ථාවේ විශ්‍රාමික ප්‍රධාන ඉංජිනේරුවරයෙකු, යාන්ත්‍රික ඉංජිනේරුවරයෙකු සහ සෙනොක් ට්‍රේඩ් කම්බයින් ප්‍රයිවට් ලිමිටඩ් ආයතනයේ සහකාර කළමණාකාර අධ්‍යක්ෂවරයෙකු අල්ලස් කොමිසම මඟින් අත්අඩංගුවට ගෙන තිබෙනවා.

ශ්‍රී ලංකා ඉඩම් සංවර්ධනය කිරීමේ සංස්ථාව මගින් පරිසර සංරක්ෂණ ජාතික වැඩසටහන පුනරුදය 2016/2018 ප්‍රතිපාදන යටතේ සංස්ථාව මගින් කෙරවලපිටිය කසල අංගනයේ යෙදවීම සදහා Long arm Excavators යන්ත්‍ර දෙකක් මිලදි ගැනිමේ ප්‍රසම්පාදන ක්‍රියාවලියේදි තෝරාගත් ආයතනය විසින් කර්මාන්තශාලාවේ නිෂ්පාදන කරන ලද යන්ත්‍රයක් මෙරටට ආනයනය කර, එම ආයතනය විසින් යන්ත්‍ර වල කොටස් ගලවා ඒ වෙනුවට වෙනත් අමතර කොටස් සවිකර නවීකරණය කර සැපයීමේ හා නිසි පරීක්ෂාවකින් තොරව එම යන්ත්‍ර භාර ගැනිම තුළින් රජයට රුපියල් මිලියන 41 ක පාඩුවක් සිදු කිරීමේ වරදට මෙම සැකකරුවන් ඊයේ (10) අත්අඩංගුවට ගෙන ඇති බවයි වාර්තා වුණේ.

අත්අඩංගුවට ගැනුණු සැකකරුවන් කොළඹ ප්‍රධාන මහේස්ත්‍රාත් අධිකරණය ඉදිරිපත් කිරීමෙන් අනතුරුව ඇප මත මුදාහැර තිබෙනවා.