ජම්මු සහ කාශ්මීරයේ, ආරක්ෂාවට අදාළ සිදුවීම් සහ ස්වාභාවික විපත් තිබියදීත් 2025 දී සංචාරකයින් කෝටි 1.78 ක් පැමිණ තිබෙනවා.
කාශ්මීරය වසර පුරා ගමනාන්තයක් ලෙස ප්රවර්ධනය කිරීම අරමුණු කරගත් පළමු ක්රිසන්තමම් උද්යානය වන Bagh-e-Gul-e Dawood 2025 ඔක්තෝබර් මාසයේදී සංචාරකයින් සඳහා විවෘත කෙරුණා.
එය විචිත්රවත් ප්රභේද 50 කට වඩා වැඩි ගණනකින් සමන්විතයි.
කලාපයේ ප්රධානී මනෝජ් සිංහා පවසන්නේ සමබර කලාපීය වර්ධනයක් සහතික කිරීම සඳහා ජම්මුහි වන්දනා සංචාරක ව්යාපාරය, කාශ්මීරයේ ත්රාසජනක සංචාරක ව්යාපාරය සහ ගෝත්රික සහ දේශසීමා ප්රදේශවල පාරිසරික සංචාරක ව්යාපාරය පුනර්ජීවනය කිරීම කෙරෙහි විශේෂ අවධානයක් යොමු කර ඇති බවයි.
යුනියන් ප්රදේශය පුරා සංචාරක පියසටහන පුළුල් කිරීම සඳහා රාජ්ය සහ පෞද්ගලික අංශයේ ආයෝජන හරහා නැගී එන සංචාරක ගමනාන්තවල තිරසාර සංවර්ධනය සඳහා සැලකිය යුතු ව්යාපෘතියක් දියත් කිරීමට රජය සැලසුම් කරමින් සිටින බව ඔහු සඳහන් කළා.
කාශ්මීරයට දුම්රිය සම්බන්ධතාවය ඓතිහාසික සන්ධිස්ථානයක් ලෙස ද සිංහා විස්තර කළ අතර, නිම්නය දැන් රටේ සෙසු ප්රදේශ සමඟ සම්බන්ධ වී ඇති බවත්, වෙළඳාම, සංචාරක ව්යාපාරය සහ ආර්ථික ප්රගතිය සඳහා නව මංපෙත් විවර කර ඇති බවත් ඔහු පැවසුවා.
