ඉන්දියාවේ නවදිල්ලි අගනුවර පිහිටි සුප්රකට රතු බලකොටුව දුම්රිය ස්ථානය ආසන්නයේ ඊයේ (10) පස්වරුවේ සිදු වූ ප්රබල පිපිරීමෙන් මියගිය ගණන 09ක් දක්වා ඉහළ ගොස් ඇති බව වාර්තා වනවා.
මෙම පිපිරීමෙන් තවත් පුද්ගලයින් 20ක් පමණ තුවාල ලබා ඇති බවයි විදෙස් මාධ්ය වාර්තා කළේ.
රතු කොටුව මෙට්රෝ දුම්රිය ස්ථානය අසල සුදු පැහැති හුන්ඩායි i20 මෝටර් රථයක පිපිරීම සිදුව ඇති අතර, පිපිරීමෙන් අසල තිබූ මෝටර් රථවලට හානි සිදුව තිබෙනවා.
මෙම පිපිරීමත් සමඟ නවදිල්ලි අගනුවර පිහිටි රජයේ ගොඩනැගිලි, ගුවන්තොටුපළ ඇතුළු ප්රධාන මර්මස්ථානවල ආරක්ෂාව තර කිරීමට පියවර ගෙන තිබෙනවා.
මේ අතරනවදිල්ලියේ රතු බලකොටුව අසල සිදුවූ පිපිරීමට පෙර එම ස්ථානයේ සිට 50kmක් දුරින් පිහිටි ෆරිදාබාද් ප්රදේශයේ නිවාස 02ක් තුළ තිබී පුපුරණ ද්රව්ය කිලෝ 2900ක් සොයාගෙන ඇති බවට ද තොරතුරු වාර්තා වනවා.
මේ අතර ඉන්දීය ස්වදේශ කටයුතු අමාත්ය අමිත් ෂා සඳහන් කළේ විමර්ශකයින් පිපිරීම පිටුපස ඇති සියලු හැකියාවන් ගවේෂණය කරමින් සිටින බවයි.
මෙම පිපිරීමට හේතුව නිශ්චිත වශයෙන් තවමත් තහවුරු කර නැහැ.
මේ අතර පිපිරීමට ලක් වූ මෝටර් රථයේ ගමන් මග පිළිබඳව විමර්ශන නිලධාරීන් විමර්ශනය කරමින් සිටින බවයි ඉන්දීය මාධ්ය වාර්තා කළේ.
