අනුරාධපුර, තලාව, ජයගඟ හන්දිය ප්‍රදේශයේ පෞද්ගලික බස් රථයක් පෙරළීයාමෙන් සිදුවූ අනතුරින් පුද්ගලයින් 47 දෙනෙකු තුවාල ලබා ඇති බව තඹුත්තේගම පොලිසිය පවසනවා.
ඉන් තුවාලකරුවන් 37 දෙනෙක් අනුරාධපුර රෝහලේත් තවත් තුවාලකරුවන් 10 දෙනෙක් තලාව රෝහලේත් ප්‍රතිකාර ලබන බවයි පොලිසිය සඳහන් කළේ.
මෙම අනතුරින් තුවාල ලබා අනුරාධපුර රෝහලට ඇතුළත් කළ පාසල් සිසුවෙක් ජීවිතක්ෂයට පත් වුණා.
මෙලෙස ජීවිතක්ෂයට පත්ව ඇත්තේ තලාව, හඟුරන්කෙත ප්‍රදේශයේ පදිංචිව සිටි වයස අවුරුදු 16ක සිසුවෙක්.
තලාව ප්‍රදේශයේ සිට 411 ගම්මානය දක්වා ගමන් ගත් බස් රථයක් මාර්ගයේ ඉවතට පැන අඩි 10ක් ප්‍රපාතයකට පෙරළී ගොස් අද (10) දහවල් මෙම අනතුර සිදුව තිබුණා.
අනතුර සම්බන්ධයෙන් බස් රථයේ රියදුරු අත්අඩංගුවට ගෙන ඇති අතර, ඔහු හෙට (11) දිනයේ තඹුත්තේගම මහේස්ත්‍රාත් අධිකරණය වෙත ඉදිරිපත් කිරීමට නියමිත බවයි පොලිසිය පැවසුවේ.
