වවුනියාව මහ නගර සභාවේ නගරාධිපතිට සහ නියෝජ්ය නගරාධිපතිවරයාට එම තනතුරු දැරීම වළක්වාලමින් අභියාචනාධිකරණය විසින් ඊයේ(21) අතුරු තහනම් නියෝගයක් නිකුත් කොට තිබෙනවා.
නගරාධිපති සුන්දරලිංගම් කාන්දීපන්ට සහ නියෝජ්ය නගරාධිපති පරමේෂ්වරන් කාර්තීපන්ට එම තනතුර සඳහා තෝරාගැනීමේ ඡන්ද විමසීමේදී අක්රමිකතාවක් සිදුව ඇති බවත් උප නගරාධිපතිවරයා නගර සභා බල ප්රදේශයෙන්
පිටත පදිංචි අයෙක් බවත් එමගින් ඔවුන්ට තනතුරු දැරිම වළක්වාලන අතුරු තහනම් නියෝගයක් නිකුත් කරන ලෙස ඉල්ලා නගර සභා සභිකයින් වන සිවසුබ්රමණියම් ප්රේම්දාස් සහ කන්දයියා විජයකුමාර් යන සභිකයින් දෙදෙනා විසින් අභියාචනාධිකරණයේ ගොනුකළ රිට් පෙත්සමක් සළකා බැලීමෙන් අනතුරුව අභියාචනාධිකරණය මෙම අතුරු තහනම් නියෝගය නිකුත්කරනු ලැබුවා.
අභියාචනාධිකරණයේ සභාපති විනිසුරු රොහාන්ත අබේසූරිය සහ ප්රියන්ත ප්රනාන්දු යන විනිසුරු මඩුල්ල ඉදිරියේ මෙම පෙත්සම විභාගකරනු ලැබූ අතර මෙම අතුරු තහනම් නියෝගය පෙත්සම් විභාගය අවසන් වන තෙක් බලපැවැත්වෙන බවද විනිසුරු මඩුල්ල ප්රකාශ කළා.
2025 ජූලි 01 වැනිදා අභියාචනාධිකරණය වෙත අදාළ පෙත්සම්කරුවන් විසින් පෙත්සම ගොනු කොට තිබෙනවා.
මහ නගර සභාවේ බහුතර ආසන ප්රමාණයක් කිසිදු පක්ෂයක් ජයග්රාහණය නොකිරීම මත සභිකයින් අතර ජන්ද විමසීමකින් නගරාධිපති හා නියෝජ්ය නගරාධිපති තෝරාපත් කරගනු ලැබුවා.
නගරාධිපතිවරයා තෝරා පත් කර ගැනීමේ ජන්ද විමසීමේදී වවුනියාව නගරාධිපතිවරයා සභික ජන්ද 11ක් ලබාගෙන නගරාධිපති වශයෙන් තේරී පත්වූ අතර ඔහු හා තරගවැදුණු අනිත් අපේක්ෂකයා සභික ඡන්ද 10 ලබාගෙන තිබෙනවා.
