බහින් බස්වීමක් දුර දිග යාමෙන් අනතුරුව තම පුතාට වායු රයිෆලයකින් වෙඩි තබා ඝාතනය කිරීමට උත්සාහ කළ බව කියන පුද්ගලයෙක් පල්ලම පොලිසිය විසින් අත්අඩංගුවට ගෙන තිබෙනවා.
පොලිසිය පවසන්නේ ඊයේ (18) රාත්‍රී 10.00ට පමණ ආණමඩුව, ආඩිගම, කඩයන්දළුව ප්‍රදේශයේ දී මෙම සිද්ධිය සිදුව ඇති බවයි.
වෙඩි වැදීමෙන් තුවාල ලබා ඇති වයස අවුරුදු 17ක තරුණයෙක් ප්‍රතිකාර සදහා ආණමඩුව දිසා රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා පුත්තලම මූලික රෝහලට මාරු කර යවා තිබෙනවා.
ඊයේ (18) රාත්‍රී කාලයේ පියා සහ පුත්‍රයා අතර ඇති වූ ආරවුලකින් පසු මෙම වෙඩි තැබීම සිදුකර ඇති බවයි කරුණු අනාවරණය වී ඇත්තේ.
මොවුන් දෙදෙනා අතර නිරන්තරයෙන් ආරවුල් හටගන්නා බවට ද තොරතුරු අනවරණය වී ඇති බවයි පොලිසිය සඳහන් කළේ.
අත්අඩංගුවට ගැනුණු සැකකාර පියා ආණමඩුව මහේස්ත්‍රාත්වරයා වෙත ඉදිරිපත් කිරීමට නියමිව තිබෙනවා.
