ලංකා ගමනාගමන මණ්ඩලය යටතේ ස්ථාපිත කිරීමට නියමිත මෙට්රෝ බස් සමාගමේ ව්යාපෘති කාර්යාලය ආරම්භ කිරීමේ අද (08) සිදුකෙරුණා.
ඒ, ප්රවාහන, මහාමාර්ග, වරාය සහ සිවිල් ගුවන්සේවා අමාත්ය, බිමල් රත්නායකගේ ප්රධානත්වයෙන්.
මෙහිදී අදහස් දක්වමින් අමාත්යවරයා සඳහන් කළේ පොදු මහජනතාවට සුවපහසු ගමනාන්තයක් යන ජනාධිපතිවරයාගේ සංකල්යක් යථාර්ථයක් බවට පත්කිරීමේ අරමුණ පෙරදැරිව ක්රියාත්මක කෙරෙන මෙම මෙට්රෝ බස් ව්යාපෘතිය, නව ඩිජිටල් ක්රමවේදයක් යටතේ ක්රියාත්මක කිරීමට නියමිත බවයි.
නියමු ව්යාපෘතියක් වශයෙන් බස්නාහිර පළාත තුළ ප්රථමයෙන් ක්රියාත්මක කෙරෙන මේ සඳහා බස් රථ 100ක් ලබාගැනීමට මේ වනවිට ටෙන්ඩර් කැඳවා ඇති බවත් අමාත්යවරයා මෙහිදී පැවසුවා.
තවද ඒ සඳහා 2025 අයවැයෙන් රුපියල් මිලියන 300ක් පමණ වෙන්කර ඇති බවත්, 2026 අයවැයෙන් තවත් රුපියල් මිලියන 200ක් වෙන්කිරීමට බලාපොරාත්තු වන බවයි ඔහු සඳහන් කළා.
ලබන වසරේ මැද වනවිට මේ නව බස් රථ ජනතා සේවයට එක් කිරීමට හැකිවෙතැයි බලාපොරොත්තුවන බවයි අමාත්යවරයා වැඩිදුරටත් පවසා සිටියේ.
