හුංගම, වාඩිගල ප්රදේශයේ නිවසක් තුළ සිදුවූ ද්විත්ව ඝාතනය සම්බන්ධයෙන් සැකකරුවන් දෙදෙනෙක් අත්අඩංගුවට ගෙන ඇති බව පොලිස් මාධ්ය ප්රකාශකවරයා පවසනවා.
මේ අතර හුංගම පොලිසිය සඳහන් කළේ අපරාධය සිදුවූ ස්ථානයේ, ස්ථානීය පරීක්ෂණය අද (07) පෙරවරුවේ අඟුණුකොළපැලැස්ස මහේස්ත්රාත්තුමිය විසින් සිදුකළ බවයි.
මේ අතර මෘත ශරීර දෙක පශ්චාත් මරණ පරීක්ෂණ කටයුතු වෙනුවෙන් තංගල්ල රෝහල වෙත යොමු කිරීමටයි මහේස්ත්රාත්තුමිය නියෝහ කර ඇත්තේ.
අද (07) අලුයම් කාලයේ මෙම ඝාතනයන් සිදුව ඇති අතර, මෙලෙස ඝාතනය ලක්ව ඇත්තේ 28 හැවිරිදි බෝපසිඳු නමැති අන්වර්ථ නාමයකින් හඳුන්වන පුද්ගලයෙකු සහ ඔහුගේ අනියම් බිරිඳ බවයි වාර්තා වන්නේ.
ඝාතනය ලක් වූ ඉමේෂා මධුභාෂිනී නැමැති කාන්තාව ද 28 හැවිරිදි වියේ පසුවන බවයි පොලිසිය වැඩිදුරටත් සඳහන් කළේ.
තංගල්ල කොට්ඨාස අපරාධ විමර්ශන අංශය විසින් මේ සම්බන්ධයෙන් විමර්ශන සිදුකරන අතර, කණ්ඩායම් දෙකක් මෙහි විමර්ශන සඳහා යොදවා තිබෙනවා.
මේ අතර පොලීසිය පවසන්නේ ඝාතනය වූ පුද්ගලයා පසුගිය වසරේදී ඔහු සමඟ ධීවර රැකියාවේ යෙදෙනු ස්කීපර්වරයාව ඝාතනය කර ඇති බවයි.
මොහු පෙරේදා (05) දිනයේ දී වරෙන්තුවක් මත පොලීසිය විසින් අත්අඩංගුවට ගෙන ඊයේ (06) දිනයේදී නිදහස්ව පැමිණ ඇති බවයි අනාවරණය වී ඇත්තේ.
ඔහුව මීට පෙරද ඝාතනය කිරීමට උත්සාහ දරා ඇති අතර, එහිදී ඔහු බරපතළ තුවාල ලබා දිවි බේරාගෙන ඇති බවයි පොලිසිය පැවසුවේ.
පොලිසිය සැකපළ කරන්නේ මෙම ඝාතනයන සිදුකර ඇත්තේ ඝාතනයට ලක්වූ පුද්ගලයාගේ හොඳම මිතුරා විසින් බවයි.
