මෙරට යුක්තිය පසිඳලීමේ ක්රියාවලිය ශක්තිමත් කිරීමේ එක් පියවරක් වශයෙන් ස්වාධින අභිචෝදක කාර්යාලයක් ස්ථාපිත කිරීම සඳහා විද්වත් කමිටුවක් පත් කිරීමට රජය පියවර ගත් අතර, එම කමිටුවේ සාකච්ඡාවක් අධිකරණ සහ ජාතික ඒකාබද්ධතා අමාත්ය හර්ෂණ නානායක්කාරගේ ප්රධානත්වයෙන් අද ( 01) පස්වරුවේ අධිකරණ සහ ජාතික ඒකාබද්ධතා අමාත්යාංශයේදී පැවැත්වුණා.
ස්වාධින අභිචෝදක කාර්යාලයක් ස්ථාපිත කිරීමට අදාළව මුලික සැලසුම් සකස් කිරීම පිළිබඳව මෙහිදී සාකච්ඡා වු අතර, එහි මුලික සංකල්ප පත්රිකාව කෙටුම්පත් කිරීමෙන් අනතුරුව මහජනතාවගේ සහ සිවිල් සංවිධානවල අදහස් ලබා ගැනීමට නියමිතව තිබෙනවා.
මෙම සාකච්ඡාව සඳහා ශ්රේෂ්ඨාධිකරණ විනිසුරු යසන්ත කෝදාගොඩ, නීතිපති පාරින්ද රණසිංහ, අධිකරණ සහ ජාතික ඒකාබද්ධතා අමාත්යාංශයේ ලේකම්, ජනාධිපති නීතිඥ අයෙෂා ජිනසේන, ශ්රී ලංකා නීතිඥ සංගමයේ ලේකම් ඇතුළු අධිකරණ සහ ජාතික ඒකාබද්ධතා අමාත්යාංශයේ උසස් නිලධාරීන් පිරිසක් එක්ව සිටියා.
