සංවිධානාත්මක අපරාධකරුවෙක් සහ මහා පරිමාණ මත්ද්රව්ය ජාවාරම්කරුවෙක් වෙන කුඩු රොෂාන්ගේ මත්ද්රව්ය ජාලයේ ප්රබලතම ගෝලයෙක් වන චින්තක සදුන් යන අයෙක්ව කොළඹ උතුර අපරාධ කොට්ඨාසය විසින් අත්අඩංගුවට ගෙන තිබෙනවා.
කොලඹ උතුර කොට්ඨාශ අපරාධ විමර්ශන අංශයේ මෙහෙයවීම මත පොලිස් නිළධාරින් කණ්ඩායමක් විසින් මට්ටක්කුලිය පොලිස් වසමේදි සිදු කරනු ලැබූ සාර්ථක වැටලීමක් මගින් ඈෂ් මත්ද්රව්ය කිලෝග්රෑම් 33 ග්රෑම් 270ක්, හෙරොයින් ග්රෑම් 408ක්,පිල් මත්පෙති 200ක් සහ විකිනීම සදහා කැබලි ලෙස සකස්කර තිබූ හෙරොයින් කැබලි 7400ක් සමග මෙම සැකකරු අත්අඩංගුවට පත් වූ බවයි පොලිසිය පවසන්නේ.
වයස අවුරුදු 38ක් වන චින්තක සදුන් අබේරත්න යන මෙම සැකකරු සම්බන්ධයෙන් සිදුකරනු ලැබූ වැඩිදුර විමර්ශන වලදි අනාවරණය වී ඇත්තේ මොහු මට්ටක්කුලිය ප්රදේශයේ සංවිධානාත්මක අපරාධකරුවෙක් හා මහා පරිමාණ මත්ද්රව්ය ජාවරම්කරුවෙක් වන කුඩු රොෂාන් යන අයගේ සමීපතමයෙක් සහ ඔහුගේ මත්ද්රව්ය ජාවාරම පවත්වාගෙන යන බවත්ය.
අත්අඩංගුවට ගත් සැකකරු, මත්ද්රව්ය තොගය සමඟ මට්ටක්කුලිය පොලිස් ස්ථානය වෙත භාර දී තිබෙනවා.
