කුලියාපිටිය වයඹ විශ්වවිද්යාලයේ දෙවැනි වසරේ සිසුවෙක්ට නවකවධය දී අතින් පයින් පහරදී තුවාල සිදුකිරීම සම්බන්ධව කුලියාපිටිය පොලිසිය මගින් අත්අඩංගුවට ගත් එම විශ්වවිද්යාලයේ තෙවැනිවසරේ සිසුන් සිව් දෙනෙකු කුලියාපිටිය මහේස්ත්රාත් මිහිල් චිරන්තන සතුරුසිංහ මහතා හමුවට ඉදිරිපත් කරනු ලැබුවා.
එහිදී මහේස්ත්රාත්වරයා විසින් මේ මස 29 දක්වා සැකකරුවන් සිවුදෙනා රිමාන්ඩ් බාරයට පත්කරනලෙස නියම කළා.
මෙලෙස රිමාන්ඩ් වූයේ කුලියාපිටිය වයඹ සරසවියේ තෙවැනිවසර සිසුන් සිවුදෙනෙකු වූ හෙට්ටිපොල, කටුපොත, මාරකවිට, උකුවෙල ප්රදේශ්වල පදිංචි සිසුන් සිව් දෙනෙක්.
පහරකෑ සිසුවා තුවාල ලබා කුලියාපිටිය ශික්ෂණ රෝහලේ නේවාසිකව ප්රතිකාර ලබන බව අධිකරණය හමුවේ කරුණු කී පොලිසිය සැකකරුවන් හඳුනාගැනීමේ පෙරෙට්ටුවකට ඉදිරිපත් කළයුතු බවද පවසා සිටියා.
සැකකරුවන් වෙනුවෙන් කරුණු කී නීතිඥවරයා කියා සිටියේ සැකකරුවන් ලෙස නම්කර ඇති සිසුන් හා පැමිණිලිකරු එකම සරසවියක සිසුන් බැවින් පෙරෙට්ටුවක් අනවශ්ය බවයි.
කෙසේ වෙතත් ඉදිරිපත් වූ කරුණු සලකා බැලූ මහේස්ත්රාත්වරයා, ඉදිරි දිනයේදී සැකකරුවන් අධිකරණයට ආවරණ සහිතව ඉදිරිපත්කරන්නැයි බන්ධනාගාරයට නියම කළා.
