ප්රමිතියෙන් තොර ප්රතිදේහ එන්නත් මෙරට රෝහල් පද්ධතිය තුළ බෙදාහැරීමේ සිද්ධිය සම්බන්ධයෙන් හිටපු සෞඛ්ය අමාත්ය කෙහෙළිය රඹුක්වැල්ල ඇතුළු විත්තිකරුවන් 12 දෙනා ඇප මත මුදාහැරීමට කොළඹ ස්ථිර ත්රිපුද්ගල මහාධිකරණය අද (16) නියෝග කළා.
ඒ, අනුව විත්තිකරුවන් 12 දෙනාට, එක් අයෙකුට රුපියලක් ලක්ෂ 05 බැගින් මුදල් ඇපයක් සහ රුපියල් ලක්ෂ 50 බැගින් වූ ශරීර ඇප දෙකක් මත මුදා හැරීමටයි අධිකරණය නියෝග කළේ.
ඊට අමතරව කෙහෙළිය රඹුක්වැල්ල ඇතුළු විත්තිකරුවන්ට නඩු විභාගය අවසන් වන තුරු විදේශ ගමන් තහනම් කෙරුණු අතර, ඔවුන්ගේ විදෙස් ගමන් බලපත්ර අධිකරණයේ භාරයේ තබන ලෙසට ද නියෝග කර සිටියා.
හියුමන් ඉමියුනෝග්ලොබියුලීන් සහ රිටොක්සිමැබ් නමැති ඖෂධ නොවන වෙනත් ද්රව්ය කුප්පි 6,195ක් සෞඛ්ය අමාත්යාංශයේ වෛද්ය සැපයුම් අංශයට සපයා ශ්රී ලංකා ජනරජයේ මුදල් රුපියල් ලක්ෂ 1,444ක් වංක ලෙස ව්යපහරණය කිරීමට කුමන්ත්රණය කිරීම සහ එම මුදල් සාපරාධී සාවද්ය පරිහරණය කිරීම ඇතුළු අධි චෝදනා දහතුනක් යටතේ විත්තිකරුවන්ට එරෙහිව නීතිපතිවරයා විසින් මෙම නඩුව ගොනුකර තිබෙනවා.
නඩුවේ සාක්ෂිකරුවන් ලෙස පුද්ගලයන් 350 දෙනෙකු හා නඩු භාණ්ඩ 300 ආසන්න සංඛ්යාවක් පැමිණිල්ල විසින් අධිකරණයට ඉදිරිපත් කර තිබුණා.
