ශ්‍රී ලංකා පොලීසියේ 37 වැනි පොලිස්පතිවරයා ලෙස පත්වූ නීතිඥ ප්‍රියන්ත වීරසූරිය අද (09) නාවික හමුදාධිපති වයිස් අද්මිරාල් කාන්චන බානගොඩ හමු වුණා.
නාවික හමුදා මූලස්ථානයේ දී මෙම හමුව සිදුවූ බවයි නාවික හමුදා මාධ්‍ය අංශය සඳහන් කළේ.
නාවික හමුදා මූලස්ථානය වෙත නව පොලිස්පතිවරයා, බටහිර නාවික විධානයේ ආඥාපති රියර් අද්මිරාල් ජගත් කුමාර විසින් උණුසුම් අයුරින් පිළිගැනීමෙන් පසු සම්ප්‍රදායානුකූලව නාවික හමුදා සම්මාන ආචාර මුරයක් මඟින් උත්තමාචාර පිරිනැමීමට කටයුතු කෙරුණා.
අනතුරුව, නාවික හමුදාධිපති විසින් නාවික හමුදා කළමනාකරණ මණ්ඩලය පොලිස්පති වෙත හඳුන්වාදීම සිදු කෙරුණා.
පොලිස්පති නීතිඥ ප්‍රියන්ත වීරසූරිය ශ්‍රී ලංකා පොලීසියේ 37 වැනි පොලිස්පති ලෙස 2025 අගෝස්තු මස 14 වැනි දින පත්වීමෙන් පසුව, නාවික හමුදා මූලස්ථානයේ නිල සංචාරයක නිරතවූ ප්‍රථම අවස්ථාව මෙයයි.
මෙම නිල හමුවේදී නාවික හමුදාධිපති සහ පොලිස්පති අතර ද්වීපාර්ශවීය වශයෙන් වැදගත් කරුණු පිළිබඳ පැවති සුහද පිළිසඳරකින් අනතුරුව, නව ධූරයේ ඉදිරි කටයුතු සඳහා නාවික හමුදාධිපති විසින් සුභපැතුම් පිරිනැමීමට කටයුතු කළා.
