ශ්රී ලංකාව සහ සිම්බාබ්වේ අතර දෙවන විස්සයි විස්ස තරගයෙන් කඩුලු 05ක ජයක් ලබා ගැනීමට සිම්බාබ්වේ පිළ සමත් වුණා.
හරාරේ හිදී පැවති තරගයේ සිම්බාබ්වේ නායකයාගේ ආරාධනයෙන් පන්දුවට පහරදීමට පිටියට පිවිසි ශ්රී ලංකා කණ්ඩායමේ පිතිකරුවන් අන්ත අසරණ කරන්නට නායක සිකන්දර් රාසා ප්රමුඛ සිම්බාබ්වේ පන්දුයවන්නන්ට හැකි වුණා.
යාන්තමින් ශ්රී ලංකා ලකුණු පුවරුව 80ක් වෙද්දී ශ්රී ලංකා පිළේ අවසන් කඩුල්ල දවාගන්නට බ්රැඩ් එවන්ස් සමත් වුණේ ඔහුගේ තුන්වන කඩුල්ල සම්පූර්ණ කරගනිමින්.
නායක රාසා ද ලකුණු 15ක් තුළ කඩුලු 03ක් දවා ගත්තා.
මෙම ලකුණු පුවරුව වාර්තා වූයේ ශ්රී ලංකාව විස්සයි විස්ස තරගයක ලබාගත් දෙවනියට අඩුම ලකුණු සංඛ්යාව ලෙසයි.
ශ්රී ලංකා කිසිඳු ක්රීඩකයෙක් ලකුණු 20 සීමාව ඉක්මවා යාමට අපොහොසත් වූ අතර යොවුන් ක්රීඩක කමිල් මිෂාර ශ්රී ලංකාව වෙනුවෙන් ලකුණු 20ක් රැස් කරමින් ඉනිමේ වැඩිම ලකුණු ලාභියා බවට පත්වුණා.
පිළිතුරු ඉනිම සඳහා පිටියට පිවිසි සිමබාබ්වේ පිළ පන්දුවාර 14යි පන්දු 02ක් තුළ කඩුලු 05ක් පමණක් දැවී ගොස් තරගය ජයගත්තා.
ඒ අනුව තරගාවලිය 01 – 01ක් ලෙස සම මට්ටමට පැමිණි අතර තීරණාත්මක තුන්වන තරගය හෙට (07) පැවැත්වීමට නියමිතයි.
