මහ බැංකු බැඳුම්කර වංචා සිද්ධියේ සැකකරු වශයෙන් නම්කර සිටින හිටපු මහ බැංකු අධිපති අර්ජුන මහේන්ද්රන්ට සැප්තැම්බර් මස 26 වනදා අධිකරණය හමුවේ පෙනී සිටින ලෙස දන්වා නොතීසි නිකුත් කර තිබෙනවා.
කොළඹ මහේස්ත්රාත් අධිකරණය විසිනුයි සැකකාර අර්ජුන මහේන්ද්රන්ට මෙලෙස නොතීසි නිකුත් කර ඇත්තේ.
අල්ලස් කොමිසම විසින් ඉදිරිපත් කළ ඉල්ලීමක් සලකා බැලීමෙන් අනතුරුවයි කොළඹ ප්රධාන මහේස්ත්රාත් තනූජා ලක්මාලී ජයතුංග මහත්මිය මෙම නොතීසි නිකුත් කිරීම සිදුකරනු ලැබුවේ.
එමෙන්ම සැකකරුට ඉංග්රීසි භාෂාවෙන් ද නොතිසි නිකුත් කිරීමට පියවර ගන්නා ලෙස ද අල්ලස් කොමිසම අධිකරණයෙන් ඉල්ලා සිටියා.
මේ වනවිට සිංගප්පූරුවේ වාසය කරන බව සඳහන්, අර්ජුන මහේන්ද්රන්ට අධිකරණය හමුවේ පෙනී සිටින ලෙස දන්වා ඉකුත් වසරේ නොතිසී නිකුත් කර තිබුණත් එම නොසීසි නිසියාකාරව ක්රියාත්මක වී නොමැති බවයි අධිකරණයට දැනුම් දී ඇත්තේ.
2015 වසරේ පෙබරවාරි මස 27 වනදා ශ්රී ලංකා මහා බැංකුව විසින් සිදුකළ බැඳුම්කර වෙන්දේසියකදී රුපියල් බිලියන 10කට අධික වටිනාකමකින් යුත් බැඳුම්කර පර්පචූවල් ට්රෙෂරීස් සමාගමට විකිණීම තුළින් රජයට පාඩු සිදුකළ බවට චෝදනා කරමින් අල්ලස් කොමිසම විසින් අර්ජුන මහේන්ද්රන්ට විරුද්ධව මෙම නඩුව ගොනුකර තිබෙනවා.
