ඉන්දු – ලංකා නාවික අභ්යාස කොළඹට නුදුරින් මුහුදු තීරයේ
ශ්රී ලංකා නාවික හමුදාව සහ ඉන්දියානු නාවික හමුදාව විසින් ඒකාබද්ධව සිදු කරනු ලැබූ නාවික අභ්යාසයේ (SLINEX-25 ) මුහුදු අදියර ඊයේ (17) කොළඹට ඔබ්බෙන් වන මුහුදු තීරයේදී ආරම්භ වුණා.
එම නාවික අභ්යාසය මෙවර පැවැත්වුණේ 12වැනි වතාවටයි.
නාවික අභ්යාසයට අදාළ වරාය පුහුණු අභ්යාසයන් මේ මස 14 වැනිදා සිට 16 වැනිදා දක්වා කොළඹදී පැවැත්වුණා.
SLINEX – 25 සඳහා මෙරට නාවික හමුදාව සතු ‘විජයබාහු‘ හා ‘සයුර‘ නෞකාවන් යොදා ගැනුණු අතර ඉන්දියානු නාවික හමුදාව වෙනුවෙන් ‘INS Jyoti‘ හා ‘INS Rana’ නෞකාවන් මෙම අභ්යාසය සඳහා සහභාගී වනවා.
ඒ අනුව ඊයේ සහ අද (18) දින දෙක තුළදී නෞකා හැසිරවීම, නෞකා යාත්රා කරමින් තිබියදී එම නෞකා පරීක්ෂා කිරීම සඳහා නෞකා වෙත ප්රවිශ්ඨ වීම, සෝදිසි කිරීම හා අත්අඩංගුවට ගැනීමේ අභ්යාස, අවි හැසිරවීමේ අභ්යාස, මුහුදේදී ගුවනින් භාණ්ඩ හුවමාරුව සහ මුහුදේදී නෞකා වෙත ඉන්ධන ලබා දීම සඳහා නෞකා සූදානම් කිරීම වැනි සුවිශේෂී නාවික අභ්යාස රැසක් සිදු කිරීමට නියමිතයි.
නව දැනුම හා හැකියාවන් හුවමාරු කර ගැනීම සහ දෙරටේ නාවික හමුදාවන් අතර අන්යෝන්ය අවබෝධය වර්ධනය කිරීමේ අරමුණ ඇතිව මෙම නාවික අභ්යාසය පවත්වන බව ශ්රී ලංකා නාවික හමුදාව සඳහන් කර සිටිනවා.
