ධීවර විශ්රාම වැටුප් ක්රමවේදය ලබන මාසයේ සිට යළි ආරම්භ කිරීමට බලාපොරොත්තු වන බව කෘෂිකාර්මික හා ගොවිජන රක්ෂණ මණ්ඩලය සඳහන් කරනවා.
ඒ, සඳහා සුදුසු පුද්ගලයින් හඳුනා ගැනීම සඳහා මේ වන විට දැනුවත් කරමින් පවතින බවයි එම මණ්ඩලය පැවසුවේ.
කෘෂිකාර්මික හා ගොවිජන රක්ෂණ මණ්ඩලය සහ ධීවර දෙපාර්තමේන්තුව එක්ව මෙම ක්රියාවලිය නැවත ආරම්භ කිරීමට සැලසුම් කර තිබෙනවා.
පැවැති ධීවර විශ්රාම වැටුප් ක්රමවේදය අක්රීයවන අවස්ථාවවන විට ධීවරයින් 60,000 කට ආසන්න සංඛ්යාවක් එමගින් ප්රතිලාභ ලබාගනිමින් පසුවුණා.
මෙම ධීවර විශ්රාම වැටුප් ක්රමය යළි ආරම්භ කිරීමේ දී එම ප්රමාණයට වඩා වැඩි ධීවරයින් පිරිසකට මෙමගින් ප්රතිලාභ ලබාදීමට පියවර ගන්නා බවයි කෘෂිකාර්මික හා ගොවිජන රක්ෂණ මණ්ඩලය සඳහන් කළේ.
