ගොකරැල්ල පොලිස් වසමේ මැද්දකැටිය වැවේ ගිලී ඊයේ (13) පස්වරුවේ ළමයෙක් මියගොස් ඇති බව පොලිසිය පවසනවා.
මෙලෙස ජීවිතක්ෂයට පත්ව ඇත්තේ හබරණ ප්රදේශයේ පදිංචිව සිටි වයස අවුරුදු 15ක පිරිමි ළමයෙක් බවයි වාර්තා වුණේ.
ගොකරැල්ලේ පිහිටි පෞද්ගලික අධ්යාපන ආයතනයක නේවාසිකව අධ්යාපනය ලබන මෙම ළමයා තවත් මිතුරන් කිහිපදෙනෙකු සමඟ මැද්දකැටිය වැවේ නෙලුම් මල් කැඩීමට ගොස් තිබෙනවා.
එම අවස්ථාවේ දී මෙම ළමයා දියේ ගිලි ඇති බවයි සිදුකළ විමර්ශනවල දී අනාවරණය වී ඇත්තේ.
මෘත දේහය ගොකරැල්ල, පොල්ගොල්ල රෝහලට යොමුකර ඇති බවයි පොලිසිය සඳහන් කළේ.
ගොකරැල්ල පොලිසිය වැඩිදුර විමර්ශන සිදුකරනු ලබනවා.
Paw