පොලිසිය විසින් දිවයින පුරා ක්රියාත්මක විශේෂ සෝදිසි මෙහෙයුමේ තවත් අධියරක් ඊයේ (01) දිනයේ දී සිදුකෙරුණා.
එහිදී හෙරොයින් සම්බන්ධව පුද්ගලයින් 161 දෙනෙකු පොලීසිය විසින් අත්අඩංගුවට ගෙන තිබෙනවා.
අයිස් සම්බන්ධව පුද්ගලයින් 161 දෙනෙක් ද ඇතුළත්ව නොයෙකුත් මත්ද්රව්ය වැරදි සම්බන්ධව පුද්ගලයින් 488 දෙනෙකු පොලීසිය විසින් මෙහිදී අත්අඩංගුවට ගෙන ඇති බවයි වාර්තා වුණේ.
මේ අතර මෙම වසරේ ජනවාරි මස 01 පළමුවනදා සිට අගෝස්තු මස 01 පළමුවනදා දක්වා වූ මාස 07ක කාලය තුළ හොරොයින් කිලෝග්රෑම් 930.12ක ප්රමාණයක් ද, හොරායින් වැරදි සම්බන්ධව පුද්ගලයින් 37,251 දෙනෙකුද පොලීසිය විසින් අත්අඩංගුවට ගෙන තිබෙනවා.
ඊට අමතරව මෙම කාලය තුළ දී අයිස් මත්ද්රව්ය කිලෝ 1398.499 ප්රමාණයක් ද පොලිස් භාරයට ගෙන ඇති අතර, ගතවූ මාස 07ක කාලය තුළදී පුද්ගලයින් 45,111ක් අයිස් මත්ද්රව්ය වැරදි සම්බන්ධයෙන් අත්අඩංගුවට ගෙන ඇති බවයි පොලිසිය පැවසුවේ.
එමෙන්ම මෙම කාලය තුළදී ගංජා වැරදි සම්බන්ද පුද්ගලයින් 40,404ක් පොලිස් අත්අඩංගුවට ගෙන ඇති අතර, එහිදී කිලෝග්රෑම් 11.438ක ප්රමාණයක් පොලිස් භාරයට ගෙන තිබෙනවා.
රටතුළ ව්යාප්තව ඇති විෂ මත්ද්රව්ය මර්දනය කිරීම සදහා වැඩබලන පොලිස්පති ප්රියන්ත වීරසූරියගේ මෙහෙයවීම මත ශ්රී ලංකා පොලිසිය, පොලිස් විශේෂ කාර්ය බලකාය හා ත්රිිවිධ හමුදාව එක්ව මෙම මෙහෙයුම් සිදුකරනු ලබනවා.
