රුසියාවේ භූකම්පනය හේතුවෙන් සුනාමි රළ ජපානයටත් ඇතුළු වෙයි

රුසියාවේ ඈත පෙරදිග කම්චැට්කා කලාපයට අඩි 13 දක්වා ඇතිවූ සුනාමි තත්ත්වය නිසා රටවල් කිහිපයකට අනතුරු ඇඟවීම් නිකුත් කර තිබෙනවා.

එහිදී, එක්සත් ජනපදය, ජපානය, පිලිපීනය, ඉන්දුනීසියාව, ඉක්වදෝරය, චිලී, ග්වාතමාලාව, කොස්ටාරිකාව, පේරු, මෙක්සිකෝව සහ පැසිෆික් දූපත් රාජ්‍ය ගණනාවකටයි මෙසේ සුනාමි අනතුරු ඇඟවීම් නිකුත් කර ඇති බසු බිමක පළමු සුනාමි රළ උතුරු ජපානයෙන් නිරීක්ෂණය වූ බව වි‍දෙස් මාධ්‍ය වාර්තා කර තිබේ.

සෙන්ටිමීටර් 30ක උස සුනාමිය රළ පැමිණි බව NHK ගුවන් විදුලි නාලිකාව වාර්තා කළේය.සුනාමියක් ඇති විය හැකි බැවින් මුහුදෙන් ඈත්ව සිටින ලෙසත් බෝට්ටු පැදීමෙන් වළකින ලෙසත් ටෝකියෝ බලධාරීන් ජනතාවගෙන් ඉල්ලා සිටී. ටෝකියෝ මෙට්‍රොපොලිටන් රජයේ ආපදා වැළැක්වීමේ නිලධාරීන් පවසන්නේ පළාත් පාලන ආයතන හරහා ද තොරතුරු රැස් කරන බවයි.ජපානයේ ගිනිනිවීමේ හා ආපදා කළමනාකරණ ඒජන්සිය පැවසුවේ, සුනාමි තත්ත්වය යටතේ මේ දක්වා කිසිදු තුවාලයක් හෝ හානියක් වාර්තා වී නොමැති බවය.හොකයිඩෝ සිට ඔකිනාවා දක්වා විහිඳෙන ජපන් වෙරළ තීරයේ අවට නගර සභා 133කට අයත් පුද්ගලයින් ලක්ෂ 9ක් පමණ මේ වනවිට එම ස්ථානයන්ගෙන් ඉවත්කර ඇතැයි විදෙස් මාධ්‍ය වාර්තා කරයි.