ලෝකයට ම දැඩි තර්ජනයක් වී තිබෙන ” ත්රස්තවාදය” ගැන ඉන්දීය රජය ජාත්යන්තරය ඉදිරියේ දී අනතුරු අඟවා තිබෙනවා.
risingkashmir.com වෙබ් අඩවියට අනුව චීනයේ මේ දිනවල පැවැත්වෙන SCO සමුළුවට එක්වෙමින් ඉන්දීය ආරක්ෂක අමාත්ය රාජ්නාත් සිං මෙම ප්රකාශය සිදු කර ඇති බවයි.
SCO සමුළුව මෙම වසරේ දී චීනයේ කිංඩාඕ හි ෂැංහයි සහයෝගීතා සංවිධානයේ දී ඊයේ (26) පැවැත්වුණා.
එහිදී ඉන්දියාව ප්රසිද්ධියේ ම දැඩි ලෙස ත්රස්තවාදය හෙළා දැක ඇති අතර ත්රස්තවාදී ක්රියාවන්හි අපරාධකරුවන්, සංවිධායකයින්, මූල්ය සපයන්නන් සහ අනුග්රාහකයින් වගකිව යුතු බවටත් ඔවුන් නීතිය හමුවට පමුණුවා උපරිම දඬුවම් ලබා දිය යුතු බවත් තරයේ අවධාරණය කර සිටියා.
රාජ්නාත් සිං වැඩිදුරටත් පැවසුවේ මෙවැන්නක්;
“දේශසීමා ත්රස්තවාදය ඇතුළු නින්දිත ත්රස්තවාදී ක්රියාවන්හි අපරාධකරුවන්, සංවිධායකයින්, මූල්ය සපයන්නන් සහ අනුග්රාහකයින් වගකිව යුතු බවටත් ඔවුන් නීතිය හමුවට පමුණුවා ගැනීමේ අවශ්යතාවය අපි නැවත අවධාරණය කරමු. ඕනෑම ත්රස්තවාදී ක්රියාවක් අපරාධකාරී වන අතර ඔවුන්ගේ අභිප්රේරණය, කවදාද, කොතැනකද සහ කවුරුන් විසින් සිදු කළත් එය අසාධාරණ ය. SCO සාමාජිකයින් මෙම නපුර නිසැකවම හෙළා දැකිය යුතුය” යනුවෙන්.
එක්සත් ජාතීන්ගේ සංවිධානය විසින් නම් කරන ලද ත්රස්තවාදී කණ්ඩායමක් වන ලෂ්කර්-ඊ-තායිබා (LeT) හි නියෝජිතයෙකු වන ‘The Resistance Front’ (TRF) විසින් සිදු කරන ලද ජම්මු සහ කාශ්මීරයේ මෑතකදී සිදු කරන ලද පහල්ගම් ත්රස්ත ප්රහාරය නැවත වරක් රාජ්නාත් සිං මෙහිදී ඉස්මතු කළ බවත් වාර්තා වනවා.
