යාපනය දිස්ත්රික් පාර්ලිමේන්තු මන්ත්රී රාමනාදන් අර්චුනාගේ පාර්ලිමේන්තු මන්ත්රී ධුරය බල රහිත කිරීමේ තීන්දුවක් ලබාදෙන ලෙස ඉල්ලා ගොනු කර තිබෙන පෙත්සම වැඩිදුර සලකා බැලීම සඳහා අගෝස්තු මස 01 වැනි දා කැඳවන ලෙස අභියාචනාධිකරණය නියෝග කර තිබෙනවා.
ඒ පෙත්සම අද (26) මායාදුන්නේ කොරයා සහ මහේන් ගොපල්ලව යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල ඉදිරියේ කැඳවනු ලැබුවා.
එහිදී පෙත්සම්කාර පාර්ශ්වය වෙනුවෙන් පෙනී සිටි නීතීඥ අශෝක් බරන් කරුණු ඉදිරිපත් කළා.
ඉන් අනතුරුව වැඩිදුර කරුණු සලකා බැලීම අගෝස්තු මස 01වැනිදා දක්වා කල්තැබීමට අභියාචනාධිකරණ විනිසුරු මඩුල්ල නියෝග කළා.
සමාජ ක්රියාකාරිකයකු වන ඔෂල හේරත් විසින් මෙම පෙත්සම ඉදිරිපත් කර තිබෙනවා.
පෙත්සම්කරු කියා සිටින්නේ ඉකුත් මහ මැතිවරණය සඳහා තරග කළ වගඋත්තරකාර රාමනාදන් අර්චුනා මන්ත්රීවරයා වෛද්යවරයකු වශයෙන් කටයුතු කරමින් ඉන් ඉවත් නොවී තම නාම යෝජනා පත්රය ඉදිරිපත් කර ඇති බවයි.
ආණ්ඩුක්රම ව්යවස්ථාවට අනුව මෙය නීතියට පටහැනි තත්ත්වයක් බව පෙන්වාදෙන පෙත්සම්කරු එබැවින් අර්චුනා මන්ත්රීවරයාට පාර්ලිමේන්තුවට තේරී පත්වීමට අසුන් ගැනීමට සහ ඡන්දය ප්රකාශ කිරීමට සුදුසුකම් නොමැති බව ද කියා සිටිනවා.
එබැවින් ඔහුට මන්ත්රයක් දැරීමට සුදුසුකම් නොමැති බවට තීන්දු කොට හුගේ මන්ත්රී ධුරය බල රහිත බවට තීන්දුවක් ලබා දෙන ලෙසත් පෙත්සම්කරු අභියාචනාධිකරණයෙන් ඉල්ලා තිබෙනවා.
