ගාල්ල මහ නගර සභාවට උප නගරාධිපති ලෙස පත්වූ ශ්රී ලංකා පොදුජන පෙරමුණේ ප්රියන්ත ගොඩගම සහබන්දුගේ පක්ෂ සාමාජිකත්වය අත්හිටුවීමට ශ්රී ලංකා පොදුජන පෙරමුණ කටයුතු කර තිබෙනවා.
ඊට අමතරව ඔහුට එරෙහිව විනය ක්රියාමාර්ග ගන්නා බවයි පොදුජන පෙරමුණ නිවේදනයක් නිකුත් කරමින් දක්වා ඇත්තේ.
ගාල්ල මහ නගර සභාවේ නගරාධිපතිවරයා සහ නියෝජ්ය නගරාධිපතිවරයා තෝරා පත්කර ගැනීමට සිදුකර ඡන්ද විමසීමේ දී කටයුතු කළ යුතු ආකාරය පිළිබඳව ලබාදී තිබූ උපදෙස්වලට පරිභාහිරව ප්රියන්ත ගොඩගම සහබන්දුගේ කටයුතු කර ඇති බවත්, ඒ තුළින් ඔහු උප නගරාධිපති ලෙස තේරී පත්ව ඇති බවත් අදාළ නිවේදනයේ දැක්වෙනවා.
එලෙස පක්ෂයේ උපදෙස් නොතකා කටයුතු කිරීම හේතුවෙන් ඔහුගේ පක්ෂ සාමාජිකත්ව අත්හිටු වූ බවත්, දැනට පක්ෂය තුළ දරණු ලබන සියලුම වගකීම්වලින් ඉවත් කරන බවත් අදාළ නිවේදනයේ සඳහන්.
ගාල්ල මහ නගර සභාවේ මංගල රැස්වීම පළාත් පාලන මහකොමසාරිස්වරියගේ ප්රධානත්වයෙන් අද (20) පැවැත් වූ අතර,එහිදී නගරාධිපති තෝරාගැනීම රහස් ඡන්දයෙන් සිදුකරනු ලැබුවා.
එහිදී ඡන්ද 19ක් ලබාගනිමින් ජාතික ජන බලවේගයෙන් ඉදිරිපත් වූ හල්මිටිගලඉහල ගමගේ සුනිල් ගාල්ල මහ නගර සභාවේ නගරාධිපති ලෙස තේරීපත් වූ අතර, නියෝජ්ය නගරාධිපතිවරයා ලෙස ශ්රී ලංකා පොදුජන පෙරමුණේ ප්රියන්ත සහබන්දු තේරී පත් වුණා.
මේ සම්බන්ධයෙන් අප ගාල්ල මහ නගර සභාවේ උප නගරාධිපති ලෙස පත්වූ ප්රියන්ත සහබන්දුගේ විමසීමක් කළ අතර, ඔහු සඳහන් කළේ එවන් ක්රියාමාර්ගයක් සම්බන්ධයෙන් පක්ෂයෙන් තමන්ට දැනුම්දීමක් සිදුනොකළ බවයි.
