පළාත් පාලන ආයතනවල නිල කාලය අදින් ආරම්භ වන බව රාජ්ය පරිපාලන, පළාත් සභා හා පළාත් පාලන අමාත්යාංශය දැනුම් දෙනවා.
ඒ, අනුව දිවයින පුරා පිහිටි පළාත් පාලනය ආයතන 161ක රාජකාරී කටයුතු අද (02) දිනයේ දී ආරම්භ කිරීමේ හැකියාව පවතිනවා.
කෙසේ වෙතත් කිසිඳු පක්ෂයකට බහුතර බලය හිමි නොවූ පළාත් පාලන ආයතන 178ක ප්රධානීන් පත් කිරීමේ බලය පළාත් කොමසාරිස්වරයා වෙත පැවරෙන බවයි මැතිවරණ කොමිසන් සභාව පවසයි.
ඒ, අනුව එම පළාත් පාලන ආයතනවල ප්රධානීන් පත්කර ගැනීම පළාත් පාලන කොමසාරිස්වරුන්ගේ ප්රධානත්වයෙන් එම පළාත් පාලන ආයතන රැස්වීමෙන් පසුව සිදුකිරීමට නියමිතයි.
ඒ, අනුව ඔවුන් විසින් පළාත් පාලන ආයතන සඳහා නගරාධිපතිවරුන්, උප නගරාධිපතිවරුන්, සභාපතිවරුන් හා උප සභාපතිවරුන් පත් කරන ආකාරය පිළිබඳව පුවත්පත් දැන්වීම් පළකර දැනුම්දීම පළමුව සිදුකළ යුතු වනවා.
එම දැනුම්දීමෙන් දින 14කට පසු අදාළ ආයතනවල සභිකයින් රැස් වී ඒවායේ ප්රධානීන් පත් කරගැනීම සිදුකළ යුතුයි.
ඒ, අනුව එම පළාත් පාලන ආයතනවල 178 ප්රධානීන් පත් කිරීම ජුනි මස 17 වන දිනෙන් පසු සිදුකෙරෙනු ඇති.
එමෙන්ම පළාත් පාලන කොමසාරිස්වරයා විසින් එම පත්කිරීම් සිදුකරන දිනයන් පිළිබඳව පෙර දැනුම්දීමක් සිදුකරන අතර, එක් පළාතක් තුළ එක් දිනක දී සිදුකළ හැක්කේ එක් පළාත් පාලන ආයතනයක පත් කිරීමක් පමණක් වීම විශේෂත්වයක්.
