IPL තරගාවලියේ සිය ස්ථානය 06 බවට ඔසවා තැබීමට සන්රයිසස් හයිද්‍රාබාද් කණ්ඩායම ඊයේ (25) රාත්‍රියේ දී සමත් වුණා.
ඒ ප්‍රතිවාදී කොල්කටා නයිට් රයිඩර්ස් කණ්ඩායම ලකුණු 110කින් පරාජයට පත් කරමින්.
එම ජයග්‍රහණයට මංපෙත් විවර වූයේ හයිද්‍රාබාද් කණ්ඩායමේ ප්‍රවේගකාරී පිතිකරුවෙකු වන හෙන්රිච් ක්ලාසන්ගේ දැවැන්ත ඉනිමත් සමගින්.
ක්ලාසන් පන්දු 39ක දී නොදැවුණු ලකුණු 105ක් ලබා ගත්තා.
මෙම ජයත් සමග සන් රයිසස් හයිද්‍රාබාද් කණ්ඩායම මෙවර IPL තරග 14 අවසන් කරනුයේ තරග 06ක් ජයග්‍රහණය කර 07ක පරාජය වැළඳගනිමින්.
IPL ප්‍රසාද ලැයිස්තුවේ පෙරමුණේ සිටින ගුජරාට් ටයිටන්ස් කණ්ඩායම හා චෙන්නායි සුපර් කින්ග්ස් අතර පැවති තරගයේ දී ඊයේ ලකුණු 83කින් පරාජයට පත්වීමට ටයිටන්ස් කණ්ඩායමට සිදු වුණා.
ඒ අනුව චෙන්නායි පිල මෙවර තරග 14කට එක් වෙමින් ඉන් තරග 04ක පමණක් ජයග්‍රහණය හිමිකරගනිමින් IPL 2025 තරගාවලියේ 10 වැනියා ලෙස අවසන් ස්ථානයට පත් වුණා.
