ජනාධිපති අනුර කුමාර දිසානායක මහතා අද (19) පෙරවරුවේ අත්තිඩිය ‘මිහිඳු සෙත් මැදුර’- සුවතා නිකේතනය වෙත ගොස් එහි නේවාසිකව ප්රතිකාර ලබන නේවාසික සෙබළුන්ගේ සුවදුක් විමසා බැලුවා.
ජනාධිපති මාධ්ය අංශය නිවේදනය කළේ, සෙබළුන් වෙත ගොස් ඔවුන් සමඟ සුහද පිළිසදරක නිරත වීමෙන් අනතුරුව ජනාධිපතිවරයා ඔවුන්ගේ සිතුවම් හා නිර්මාණ නැරඹීමට ද එක් වූ බවයි.
තිස් අවුරුදු යුද්ධය හේතුවෙන් උතුරේත් දකුණේත් විශාල පිරිසකට තම ජීවිත මෙන්ම අත්පා හා ශරීර කොටස් අහිමි වී සදහටම ආබාධිත තත්ත්වයට පත් වීමට සිදු වූ බව පැවසූ ජනාධිපතිවරයා යළිත් කිසිදු දිනෙක මෙවන් තත්ත්වයක් ඇති වීමට ඉඩ නොදෙන බව අවධාරණය කළා.
ආබාධිත තත්ත්වයට පත් සෙබළුන් මෙන්ම ඔවුන්ගේ පවුල්වල අභිවෘද්ධිය වෙනුවෙන් තමා අඛණ්ඩව කැප වන බව ද ජනාධිපතිවරයා සඳහන් කළා.
ජනාධිපතිවරයා මිහිඳු සෙත් මැදුර – සුවතා නිකේතනයෙහි සේවයේ නිරත වෛද්යවරුන් ප්රමුඛ කාර්ය මණ්ඩලය සමඟ ද අදහස් හුවමාරු කර ගත්තා.
සෙබළුන් වෙනුවෙන් තවදුරටත් ලබාදිය හැකි වෛද්ය හා සේවා පහසුකම් සැපයීම පිළිබඳව මෙහිදී විශේෂ අවධානය යොමු වුණා.
ආරක්ෂක ලේකම් විශ්රාමික එයාර් වයිස් මාර්ෂල් තුයියකොන්තා, යුද හමුදාපති ලුතිනන් ජනරාල් ලසන්ත රොද්රිගෝ, මිහිදු සෙත් මැදුරේ සේනා විධායක බ්රිගේඩියර් ඩබ්ලිව්. ජී. එස්. ඩී. එස් රාජකරුණා, යුද හමුදා රණ සේවා හා පුනරුතථාපන අධ්යක්ෂ බ්රිගේඩියර් ඩබ්ලිව්. ඒ. එස් විජේදාස ඇතුළු ජ්යෙෂ්ඨ නිලධාරීන්, නිලධාරින් සහ සෙසු නිලයින් පිරිසක් මෙම අවස්ථාව සඳහා සහභාගී වුණා.
