කොළඹ මහ නගර සභාවේ වාර්ෂික ආදායම රුපියල් බිලියන 30ක් වුව ද, පෙර රජයන් නගර සභා වැසියන්ගේ මූලික අවශ්යතා ඇතුළු යටිතල පහසුකම් දියුණු කිරීමට කිසිදු වගවීමක් දරා නොමැති බව අග්රාමාත්ය ආචාර්යය හරිනි අමරසූරිය මහත්මිය පවසනවා.
ඊයේ (28) පස්වරුවේ මැතිවරණ ප්රචාරණ රැලි කිහිපයකට කොළඹ නගර සභා සීමාවේ ඇති දෙමටගොඩ, කොටහේන, මරදාන හා කොම්පඤ්ඤවීදියේ පැවැති ජන හමු අමතමින් අග්රාමාත්යවරිය මේ බව කියා සිටියා.
කොළඹ මහ නගර සීමාවේ මහල් නිවාසවලින් බැහැර කරන කසළ කිසිදු විධිමත් ක්රමවේදයකින් තොරව දිගු කලෙක සිට පවත්වාගෙන යන බවත්, උස මහල්වලින් තම කැලිකසළ මළු රැගෙන කසළ ගෙන යන ට්රැක්ටරයට ලබාදීමට ගිය ද ඇතැම් අවස්ථාවල එම ට්රැක්ටරය ද පිටත්ව ගොස් ඇති බවයි අගමැතිවරිය පෙන්වා දුන්නේ.
එවැනි ගැටලුවල දී බොහෝ ජනතාව සිය කසළ වෙන යම් ස්ථානයකට ගොස් බැහැර කිරීමත් සමග එම බල කොට්ඨාසයම දැඩි සෞඛ්ය අනාරක්ෂිතභාවයකට ලක් වන බව ද අගමැති හරිනි වැඩිදුරටත් සඳහන් කළා.
නමුත් එවක පාලකයින් හෝ නිලධාරීන් කිසිවෙකු රුපියල් බිලියන 30ක ආදායමක් සහිත මහ නගර සභාවේ කසළ නිසි ලෙස බැහැර කිරීමට විධිමත් මෙන් ම ප්රායෝගික ක්රියාදාමයක් සකසා නොමැති බවත් මාලිමා පළාත් සභා ආයතනවල ද බලය තම ආණ්ඩුවට ලැබුණු විට අතීතයේ දුර්වල පාලනයන් ඉවත් කරන බවත් අගමැතිවරය කියා සිටියා.
තම පක්ෂයේ කිසිදු වංචනිකයෙක් හෝ දූෂකයෙක් නොමැති බැවින් මෙවර පළාත් සභා ඡන්දයෙන් ද මාලිමාව දැවැන්ත ජයක් ලබනු ඇති බවයි අග්රාමාත්යවරිය පැවසුවේ.
