ස්වර්ගස්ථ ෆ්රැන්සිස් පාප් වහන්සේගේ අවමංගල්ය දේව මෙහෙය මේ වනවිට අවසන්ව තිබෙනවා.
පාප් වහන්සේගේ දේහය රැගත් පෙරහැරකින් රෝමයේ සැන්ටා මාරියා මැගියෝර් දේවස්ථානය වෙත ගමන් කිරීමට අරඹා ඇති බවයි වාර්තා වන්නේ.
උන්වහන්සේගේ දේහය සැන්ටා මාරියා මැගියෝර් දේවස්ථානයයේ භූමදානය කිරීමට නියමිතව ඇහි අතර, එම දේවස්ථානය තුළ එය භූමදාන කරන්නේ පාප් වහන්සේගේ ඉල්ලීමකට අනුවයි.
වතිකානයේ ශාන්ත පීතර බැසිලිකාවේ සිට සැන්ටා මාරියා මැගියෝර් දේවස්ථානය දක්වා කිලෝමීටර් 06ක පමණ දුරක් මෙම අවමංගල්ය පෙරහැර ගමන් කිරීමට නියමිතව තිබෙනවා.
මේ අතර මහජනතාවට පෙරහැර පිටුපසින් ගමන් කිරීමට අවස්ථාවක් නොලැබෙන අතර පෙරහැර ගමන් ගන්නා මාර්ගය දෙපස සිට පාප් වහන්සේට අවසන් ගෞරවය පුද කිරීමට අවස්ථාව සලසා දී ඇති බවයි විදෙස් මාධ්ය වාර්තා කළේ.
එමෙන්ම සැන්ටා මාරියා මැගියෝර් දේවස්ථානය තුළ සිදුකෙරෙන භූමදාන කටයුතු මහජනතාවට විවෘත නොවනු ඇති බවයි වාර්තා වන්නේ.
මේ අතර වතිකානය නිවේදනය කළේ ස්වර්ගස්ථ ෆ්රැන්සිස් පාප් වහන්සේගේ අවමංගල්ය දේව මෙහෙය සඳහා ශාන්ත පීතර චතුරශ්රය සහ ඒ අවට ප්රදේශයට 250,000 ක පමණ පිරිසක් සහභාගී වී සිටි බවයි.
