පාදුක්ක – කොළඹ මාර්ගයේ ලියන්වල හන්දිය ආසන්නයේ දී ලොරි රථයක්, ධාවනය වෙමින් තිබූ සිව් දෙනෙකු ගමන් ගත් යතුරුපැදියක පිටුපස ගැටීමෙන් ඊයේ (27) දින සවස සිදු වූ අනතුරකින් යතුරුපැදියෙහි පිටුපස ගමන් ගත් සිව්හැවිරිදි පිරිමි දරුවෙකු මියගොස් අනෙක් තිදෙනා සුළු තුවාල ලබා ඇතැයි පොලිසිය පවසනවා.
මෙලෙස මියගොස් ඇත්තේ වගපින්නවල ප්‍රදේශයේ පදිංචිව සිටි පෙර පාසල් දරුවෙක්.
අනතුරට ලක් වූ යතුරුපැදියෙහි කාන්තාවන් දෙදෙනෙකු සහ කුඩා දරුවන් දෙදෙනෙකු සමඟින් හෝමගම ගොඩගම ප්‍රදේශයේ පෙර පාසලක සිට පාදුක්ක දෙසට යතුරුපැදියෙහි ගමන් කරමින් තිබියදී එම දෙසටම ධාවනය වූ ලොරි රථයක ගැටීමෙන් මෙම අනතුර සිදු ව ඇති බවට පොලිසිය පවසනවා.
ඒ අනුව අනතුර කළ බවට සැක කරන ලොරි රථය සහ එහි රියදුරු සැකපිට අත්අඩංගුවට ගත් බව ද වාර්තාවනවා.
මියගිය දරුවා සහ ඔහුගේ මව තම මිතුරියකට අයත් යතුරුපැදියක ඇයගේ සිව් හැවිරිදි දරුවා ද සමග ගමන් කරමින් සිටියදී මෙලෙස අනතුරට ලක්ව ඇති අතර අනතුරින් පසු මියගිය දරුවා පාදුක්ක දිසා රෝහලට ඇතුළත් කර මූලික ප්‍රතිකාර සිදු කිරීමෙන් පසු රෝහල් ගිලන් රථයෙන් කළුබෝවිල දකුණු කොළඹ මහ රෝහලට ගෙන ගොස් ඇති අතර එහිදී මිය ගොස් ඇති බවයි පැවසෙන්නේ.
සැකකරු අධිකරණය වෙත ඉදිරිපත් කිරීමට නියමිතයි.
හරියට දැනගෙන නිව්ස් දෙන්න අමූලික බොරු මෙ හෝමගම රෝහලටයි දරුවව අරන් ගියෙ