නඩු තුනක් සම්බන්ධයෙන් අද (27) දිනයේ අධිකරණයට ඉදිරිපත් කළ පාර්ලිමේන්තු මන්ත්රී චාමර සම්පත් දසනායක මහතා නඩු දෙකකින් ඇප හිමි වුවත් එක නඩුවකට අදාළව රක්ෂිත බන්ධනාගාරගත කරන ලෙස කොළඹ ප්රධාන මහේස්ත්රාත් අධිකරණය නියෝග කර තිබෙනවා.
ඒ අනුව චාමර සම්පත් දසනායක මහතා අප්රේල් 01 දක්වා රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් තනුජා ලක්මාලි මහත්මිය නියෝග කළා.
මන්ත්රීවරයා ව අද දහවල් ප්රකාශයක් ලබා ගැනීමට අල්ලස් හෝ දූෂණ විමර්ශන කොමිෂන් සභාව වෙත කැඳවූ අවස්ථාවේදි අත්අඩංගුවට ගැනුණු අතර අද පස්වරුවේ ප්රධාන මහේස්ත්රාත් අධිකරණයට ඉදිරිපත් කළා.
චාමර සම්පත් දසනායක මහතා ඌව පළාත් ප්රධාන ඇමති ලෙස 2016 වසරේ කටයුතු කළ සමයේ ඌව පළාතේ පෙරපාසල් ළමුන් සඳහා පොත් බෑග් ලබාදීමට බව පවසමින් රාජ්ය බැංකු 3කින් මුදල් ඉල්ලා තිබෙනවා.
එහිදී බැංකු දෙකකින් රුපියල් ලක්ෂ 10 බැගින් සහ රුපියල් ලක්ෂ 25 බැගින් ලබා දී ඇති අතර ඔහු එම මුදල් ඔහුගේ පෞද්ගලික පදනමේ ගිණුමට බැර කරගෙන ඇති බව අල්ලස් කොමිසම සඳහන් කරනවා.
කෙසේවෙතත් තෙවන බැංකුවෙන් මුදල් ඉල්ලා සිටි අවස්ථාවේ දී මුදල් ලබාදීම එම බැංකුව ප්රතික්ෂේප කර ඇති අතර එහිදී චාමර සම්පත් දසනායක මහතා විසින් ඌව පළාත් සභාවට ඇති ස්ථාවර තැන්පතු එම බැංකුවෙන් ඉවත් කරගෙන තිබෙන බවයි පැවසෙන්නේ.
මෙමගින් රජයට රුපියල් ලක්ෂ 173ක පාඩුවක් සිදු ව ඇති බව පවසමින් අල්ලස් කොමිසම අධිකරණය හමුවේ කරුණු වාර්තා කළා.
අදාළ කරුණු සලකා බැලීමෙන් අනතුරුව පළමු චෝදනා 2 සඳහා චාමර සම්පත් දසනායක මහතාට ඇප හිමි වුව ද තුන්වන චෝදනාවට ඔහුව රක්ෂිත බන්ධනාගාරගත කිරීමට අධිකරණය නියෝග කළා.
ඒ අනුව ඇප ලබාදීමේ දී චාමර සම්පත් දසනායක මහතාට රුපියල් 50,000ක මුදල් ඇප සහ රුපියල් මිලියන 5 බැගින් වූ ශරීර 2ක් මත මුදාහැරීමට අධිකරණයෙන් නියම කළා.
තුන්වන චෝදනාව සඳහා වරදකරු කරමින් චාමර සම්පත් දසනායක මහතා එළඹෙන අප්රේල් මස 01 වනදා දක්වා රක්ෂිත බන්ධනාගාරගත කෙරුණා.
සැකකරුගේ විදේශ ගමන් තහනම් කළ මහේස්ත්රාත්වරිය ඔහුගේ විදේශ ගමන් බලපත්රය අධිකරණයට භාර දිය යුතු බවටත් නියෝග කර සිටියා.
Meva nikam sillara chodana barapathala vancha karuvan nidalle ovunge horakam oppukaranna amaru namuth nava neethi samantha kara marana danduvama labadiya yuthuya me sandaha tohana vijeweera navatha ipadiya yuthu venava