මෙරට රෝහලක් තුළ ආරම්භ කළ පළමු ශුක්ර ධාතු බැංකුව බොරැල්ල කාසල් රෝහලේ ස්ථාපිත කිරීමට කටයුතු කර තිබෙනවා.
මෙලෙස ස්ථාපිත කර ඇති ශුක්රානු බැංකුව මඟින් සැමියාගේ මදසරුභාවය හේතුවෙන් දරු ළුල අහිමි කාන්තාවන්ට දරුවන් ලබාගැනීමට අවශ්ය ධාතු ලබාගැනීමේ හැකියාව පවතිනවා.
එම කටයුතු රහසිගත සහ පෞද්ගලිකත්වය සුරැකෙන ආකාරයට සිදුකරන බවයි එම රෝහලේ අධ්යක්ෂක වෛද්ය අජිත් දන්තනාරයන පැවසුවේ.
මෙම ශුක්ර බැංකුව සඳහා ශුක්ර ධාතු ලබාදීමට පිරිමි පුද්ගලයින්ට හැකියාව පවතිනවා.
ඒ, වෙනුවෙන් ඔවුන් පරීක්ෂණ කිහිපයකට මුහුණ දීමට සිදුවන බවයි රෝහලේ අධ්යක්ෂකවරයා වැඩිදුරටත් පැවසුවේ.
මෙලෙස ශුක්ර ධාතු ලබාදෙන පුද්ගලයින් සහ ලබාගන්නා අය කවුරුන්ද යන්න පිළිබඳව කිසිඳු තොරතුරක් වෙනත් පාර්ශ්වයකට දැනගැනීමට අවස්ථාව හිමි නොවන බවයි වාර්තා වුණේ.
මෙම ශුක්ර බැංකුව සඳහා ශුක්ර ධාතු ලබාදීමට ඔබත් කැමති නම් බොරැල්ල කාසල් රෝහල සමඟ සම්බන්ධ වී එම කටයුතු පිළිබඳව දැනුවත්වීමේ හැකියාව පවතිනවා.
wpDiscuz
