ලබන 15 වනදා ක්රියාත්මක කිරීමට නියමිත වන සතුන් පිළිබඳ ජාතික සංගණනය සඳහා අවශ්ය පත්රිකා බෙදාහැරීමේ කටයුතු සිදුකරමින් සාර්ථකව පවතින බව කෘෂි තාක්ෂණ අධ්යක්ෂ හේමන්ත අමරසිංහ පවසනවා.
ඒ, අනුව බදුල්ල, නුවරඑළිය, ත්රිකුණාමලය, මඩකලපුව, අම්පාර, මහනුවර, පුත්තලම, කුරුණෑගල සහ අනුරාධපුර යන දිස්ත්රික්කවලට එම පත්රිකා අද (07) දිනය තුළ බෙදාහරින බවයි ඔහු පැවසුවේ.
ඊයේ (06) දිනයේ දී ගාල්ල, මාතර, හම්බන්තොට සහ මොණරාගල යන දිස්ත්රිකක් සඳහා එම බෙදාහැරීම් කටයුතු සිදුකළ බවයි මාධ්ය වෙත අදහස් දක්වමින් ඔහු වැඩිදුරටත් සඳහන් කළේ.
එමෙන්ම හෙට (08) දිනය තුළ දී යාපනය, මන්නාරම, කිලිනොච්චිය, වවුනියාව, මුලතිව්, රත්නපුර, ගම්පහ සහ කොළඹ දිස්ත්රික්වලත් මෙම සංගණන පත්රිකා බෙදාහරින බව ද කෘෂි තාක්ෂණ අධ්යක්ෂවරයා පැවසුවා.
මෙම සත්ව සංගණනය සඳහා රජයේ මුද්රණාලය පත්රිකා ලක්ෂ 70ක් මුද්රණය කර ඇති බව ද ඔහු වැඩිදුරටත් සඳහන් කර සිටියා.
“දිස්ත්රික්ක 25ම ආවරණය වන විදිහට හෙට වන විට අපි පත්රිකා බෙදා අවසන් වෙනවා. අපි බලාපොරොත්තු වෙන්නේ සඳුදා වෙනකොටවත් ප්රාදේශී ලේකම් කාර්යාලවලට යවන්න. අද අපි ලබාදෙන්නේ දිස්ත්රික් ලේකම් කාර්යාලවලට ඔවුන් ප්රාදේශීයකම් කාර්යාලවලට සඳුදා වෙනකොටවත් ලබාදෙයි කියලා අපි බලාපොරොත්තු වෙනවා. ඒ අනුව සියලු නිවාස හිමියන්ට ඒ පත්රිකා අදාළ වෙලාවට ලැබෙයි කියලා අපි හිතනවා. මේ ජාතික ප්රශ්න විසඳන්න සියල්ලන්ගෙන්ම සහයෝගය ලබාදෙන්න කියලා අපි ඉල්ලනවා”
