අත්අඩංගුවට ගෙන අධිකරණයට ඉදිරිපත් කළ හිටපු අමාත්‍ය මර්වින් සිල්වා ඇතුළු තිදෙනෙකු මාර්තු 17 දක්වා රක්ෂිත බන්ධනාගාරගත කිරීමට මහර මහේස්ත්‍රාත් අධිකරණය අද (06) නියෝග කළා.
ඊයේ (05) රාත්‍රියේ දී අපරාධ පරීක්ෂණ දෙපාර්තමේන්තුව විසින් මර්වින් සිල්වා මහතා ව ඔහුගේ නිවසේ දී අත්අඩංගුවට ගනු ලැබුවේ; කිරිබත්ගොඩ පිහිටි ඉඩමක පවරා ගැනීමක් සම්බන්ධයෙන් ව්‍යාජ ඔප්පුවක් සැකසීමේ චෝදනාව මතයි.
අද පැවති පොලිස් මාධ්‍ය හමුවේ දී ද මෙම සිද්ධිය සම්බන්ධයෙන් පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරි බුද්ධික මනතුංග මහතා අදහස් පළ කළා.
පොලිස් මාධ්‍ය ප්‍රකාශකවරයා පැවසුවේ දිගු කලක සිට අදාළ සිදුවීම සම්බන්ධයෙන් නීතිපතිගේ උපදෙස් මත සිදු කළ විමර්ශනයක ප්‍රතිඵලයක් ලෙස හිටපු අමාත්‍යවරයා මෙලෙස අත් අඩංගුවට ගෙන අද දිනයේ දී අධිකරණයට ඉදිරිපත් කරන බවයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
