එක්සත් ජනපදය තායිලන්තයේ සිටින සිය පුරවැසියන්ට ආරක්ෂක අනතුරු ඇඟවීමක් නිකුත් කළා.
එහි දැක්වෙන්නේ උයිගුර්වරුන් පිරිසක් චීනයට පිටුවහල් කිරීමෙන් පසු ප්රතිප්රහාර එල්ල කිරීමේ අවදානම ගැන අනතුරු ඇඟවීමක්.
තායිලන්ත රජය පසුගිය බ්රහස්පතින්දා අවම වශයෙන් උයිගුර්වරුන් 40 දෙනෙකු පිටුවහල් කිරීමට ගත් තීරණය සම්බන්ධයෙන් ලොව පුරා දැඩි විවේචනයට ලක්ව තිබෙනවා.
මිලියනයක් පමණ උයිගුර්වරුන් සහ අනෙකුත් මුස්ලිම් සුළු ජාතීන් සිරගත කිරීම ඇතුළුව, ෂින්ජියැන්ග් හි මානව හිමිකම් උල්ලංඝනය කිරීම් සිදු කළ බවට බීජිං වෙත චෝදනා එල්ල වනවා.
බැංකොක් හි එක්සත් ජනපද තානාපති කාර්යාලය ආරක්ෂක අනතුරු ඇඟවීමක් නිකුත් කරමින් සඳහන් කළේ 2015 දී තායිලන්තයෙන් අවසන් වරට උයිගුර්වරුන් පිටුවහල් කිරීමෙන් පසු තායි අගනුවර දේවස්ථානයකට බෝම්බ ප්රහාරයක් එල්ල වූ අතර අවම වශයෙන් පුද්ගලයින් 20 දෙනෙකු මිය ගිය බවයි.
එක්සත් ජනපද පුරවැසියන් “වැඩි පරිස්සම් සහ සුපරීක්ෂාකාරී විය යුතුය, විශේෂයෙන් සංචාරකයින් නිතර ගැවසෙන ජනාකීර්ණ ස්ථානවල අවදානම වැඩි වීමේ හැකියාවක් ඇත”, අනතුරු ඇඟවීමේ සඳහන් වනවා.
“මෙවැනි පිටුවහල් කිරීම් අතීතයේ දී ප්රචණ්ඩකාරී ප්රතිප්රහාර එල්ල කිරීමට හේතු වී ඇත,” එහි තවදුරටත් සඳහන්.
