ජාතික තරුණ සේවා සභාවට නව සභාපති ලෙස නීතිඥ සුපුන් විජේරත්න මහතා පත් කර තිබෙනවා.
යෞවන සමාජයෙන් සමාජීය කටයුතු ආරම්භ කර තරුණ සේවා සභාවේ සභාපති ධුරයට ආ පළමුවැන්නා ද සුපුන් මහතා වනවා.
ජාතික තරුණ සේවා සභාවේ නව සභාපතිවරයා අද (03) ශ්රී ලංකාවේ තරුණ කටයුතු පිළිබඳ අධ්යක්ෂ ජනරාල් තනතුරෙහි වැඩ භාර ගැනුණා.
ජාතික තරුණ සේවා සභාවේ සභාපතිවරයා ලෙස පත් වන විට ඔහු ජාතික තරුණ සේවා සභාවේ අධ්යක්ෂ මණ්ඩල සාමාජිකයෙක් ලෙස කටයුතු කරමින් ද සිටියා.
විවෘත විශ්වවිද්යාලයේ නීතිවේදී උපාධිධාරියෙක් වන නීතිඥ සුපුන් විජේරත්න මහතා මොරටුව යෞවන සමාජ ප්රාදේශීය සම්මේලනයේ සභාපතිවරයා හා කොළඹ දිස්ත්රික් යෞවන සමාජ සම්මේලනයේ උප සභාපතිවරයා ලෙස කටයුතු කර තිබෙනවා.
එමෙන්ම සිව්වන යොවුන් පාර්ලිමේන්තුවේ මන්ත්රීවරයෙකු වූ ඔහු, යොවුන් පාර්ලිමේන්තුවේ කොළඹ දිස්ත්රික් කණ්ඩායම් නායක ලෙස ද කටයුතු කර තිබෙනවා.
යෞවන සමාජ ව්යාපාරයත්, යොවුන් පාර්ලිමේන්තුවත් නියෝජනය කළ අයෙක් ජාතික තරුණ සේවා සභාවේ ලෙසයි මෙය ඉතිහාසගත වන්නේ.
