ප්‍රශ්න පත්‍ර පිටවීම හේතුවෙන් දින නියමයක් නොමැතිව කල් දැමූ 2024 උතුරු මැද පළාතේ සාමාන්‍ය පෙළ අවසන් වාර විභාගය එළඹෙන පෙබරවාරි මස 03 වනදා පැවැත්වෙන බව පළාත් අධ්‍යාපන ලේකම්වරයා දැනුම් දෙනවා.
මෙම විභාගය පොලිස් ආරක්ෂාව යටතේ පැවැත්වෙන බවයි අධ්‍යාපන ලේකම්වරයා සඳහන් කර සිටියේ.
මේ සඳහා නව ප්‍රශ්න පත්‍ර රජයේ මුද්‍රණ දෙපාර්තමේන්තුව මඟින් මුද්‍රණය කර මේ වනවිට උතුරු මැද පළාතේ කොට්ඨාස අධ්‍යාපන කාර්යාලවලට නිකුත් කර ඇති බව සඳහන්.
විභාගය යළි ආරම්භ වන දිනයේ දී අදාළ විදුහල්පතිවරුන් වෙත ඒවා පොලිස් ආරක්ෂාව යටතේ ලබාදීමට කටයුතු කරන බව ද අධ්‍යාපන ලේකම්වරයා වැඩිදුරටත් පවසා සිටියා.
මේ අතර ප්‍රශ්න පත්‍ර පිටකිරීමට සම්බන්ධය සැකකරුවන් සදහා නීතිමය කටයුතු අධ්‍යාපන අමාත්‍යංශය මඟින් සිදුකරමින් පවතින බවත් ලේකම්වරයා තවදුරටත් අදහස් දක්වමින් කියා සිටියා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
