කඹුරුපිටියේ ගුරුවරියක් ඝාතනය කරයි

මාතර, කඹුරුපිටිය ප්‍රදේශයේ දී අවිවාහක කාන්තාවක් අද (31) අලුයම් කාලයේ ඝාතනය කර ඇති බවට තොරතුරු වාර්තා වනවා.

පිහියකින් සහ යකඩ මල්⁣ පෝචිචියකින් සිදුකළ පහරදීමකින් මෙම ඝාතනය සිදුකර ඇති බවයි දැනට සිදුකළ විමර්ශනවල දී අනාවරණය වී ඇත්තේ.

මෙලෙස ඝාතනයට ලක්වූ කාන්තාව වයස අවුරුදු 34ක ගුරුවරියක් බවයි වාර්තා වන්නේ.

ආරවුලක් දුරදිග ගොස් මෙම ඝාතනය සිදුකරන්නට ඇති බවටයි පොලීසිය සැක පළකරන්නේ.

මෙම ඝාතනය කවුරුන් විසින් සිදුකර ඇත්දැයි මෙතෙක් අනාවරණය වී නොමැති අතර, කඹුරුපිටිය පොලිස් ස්ථානය මේ සම්බන්ධයෙන් වැඩිදුර විමර්ශන සිදුකරනවා.