තම මස්සිනා විසින් එල්ල කරන ලද පිහි පහරක් හේතුවෙන් පුද්ගලයෙකු මියගොස් තිබෙනවා.
ඊයේ (23) රාත්රියේ මෙම බිහිසුණු අපරාධය සිදු ව ඇත්තේ වවුනියාව – සුන්දරපුරම් ප්රදේශයේ දි යි.
ඊච්චන්කුලම පොලිසිය පවසන පරිදි 28 හැවිරිදි සුන්දරලිංගම් සුගන්ධන් නමැත්තෙකු මෙම ප්රහාරයෙන් මියගොස් තිබෙනවා.
මියගිය තැනැත්තා යතුරුපැදියකින් සිය නිවස වෙත ගමන්කරමින් සිටි අවස්ථාවකදී පිහි
පහර එල්ල වී ඇති බවයි වාර්තා වන්නේ.
මියගිය තැනැත්තා සිය නැන්දණිය වෙත පසුගිය දීපවාලි දිනයේ කොටන තුවක්කුවකින් වෙඩි තබා තුවාල කර ඇති සිදුවීමකට සැකකරුවෙකු වශයෙන් බන්ධනාගාරගතව සිට ඇපපිට නිවසට පැමිණ සිටි පුද්ගලයෙකු වන බවයි පොලිසිය සඳහන් කළේ.
අදාළ සිදුවීමට පළිගැනීමක් වශයෙන් මෙම ඝාතනය සිදුව ඇති බවට පොලිසිය සැක කරන අතර, ඝාතනය සිදුකළ පුද්ගලයා අත්අඩංගුවට ගත් බව ද ඊච්චන්කුලම පොලිසිය පැවසුවා.
