හිටපු මහබැංකු අධිපති අජිත් නිවාඩ් කබ්රාල් මහතා ඇතුළු පිරිසකට එරෙහිව අල්ලස් හෝ දූෂණ විමර්ශන කොමිෂන් සභාව විසින් ගොනු කරන ලද නඩුව සම්බන්ධයෙන් විත්තියේ නීතිඥවරු පෙර නඩු දිනයේ දී ඉදිරිපත් කළ මූලික විරෝධතාවලට ලිඛිත ව පිළිතුරු ලබාදීම අද (23) අල්ලස් හෝ දූෂණ විමර්ශන කොමිෂන් සභාව කොළඹ මහාධිකරණය හමුවේ සිදු කළා.
දසත අධිකරණ වාර්තාකරු පැවසුවේ පැමිණිල්ලේ එකී ලිඛිත දේශන සම්බන්ධයෙන් වන නියෝගය ලබන මස 21 වැනිදා නිකුත් කිරීමට කටයුතු කරන බව මහාධිකරණ විනිසුරු ආර්. එස්.එස්. සපුවිද මහතා නියෝග කළ බවයි.
2011 වර්ෂයේ දී සිදු කරන ලදැයි පැවසෙන ග්රීක බැඳුම්කරය මහබැංකු රෙගුලාසි සහ මූල්ය මණ්ඩල රෙගුලාසි අනුව නීත්යනුකූල ව සිදු කර ඇති බවට ශ්රේෂ්ඨාධිකරණයෙන් නියෝග කර ඇති පසුබිමක දී ඊට වසරකට පසුව (2012) අල්ලස් හෝ දූෂණ විමර්ශන කොමිෂන් සභාව මගින් දෙවැනි වරටත් පහළ අධිකරණයක කබ්රාල් ඇතුළු විත්තිකරුවන් පිරිසට එරෙහිව නඩු පැවරීම විභාග කිරීමට නෛතික බලයක් නොමැති බව ද විත්තියේ නීතිඥවරුන් මහාධිකරණයට පෙන්වා දුන්නා.
මේ හේතුවෙන් සිය සේවාදායකයින්ව නිදහස් කරන ලෙසට විත්තියේ නීතිඥවරු ඉල්ලා සිටි අතර විත්තියේ නීතිඥවරු නැගූ මූලික විරෝධතාවලට අද දිනයේ දී ලිඛිත ව මේ අයුරින් අල්ලස් හෝ දූෂණ විමර්ශන කොමිෂන් සභාව වෙනුවෙන් පෙනී සිටි නීතිඥවරු එකී විරෝධතා ගොනු කිරීම සිදු කළා.
