නීතිවිරෝධීව එකලස් කළ ලොරි රථයක් භාවිත කළ බවට වූ චෝදනාව මත අත්අඩංගුව ගැනුණු හිටපු ඇමති විජිත් විජයමුණි සොයිසා අද (20) බණ්ඩාරවෙල මහේස්ත්‍රාත් අධිකරණය වෙත ඉදිරිපත් කළා.
එහිදී අධිකරණය නියෝග කළේ ඔහුව රුපියල් ලක්ෂ 02ක ශරීර ඇපයක් මත මුදා හැරීමයි.
ඒ, අනුව මෙම නඩුව ලබන මස 06 වන දින නැවත කැඳවීටයි මහේස්ත්‍රාත්වරයා නියෝග කළේ.
හිටපු අමාත්‍ය විජිත් විජයමුණි සොයිසා වලාන මධ්‍යම දූෂණ මර්දන ප්‍රහාරක ඒකකය විසින් ඊයේ (19) අත්අඩංගුවට ගැනුණා.
ඒ, නීතිවිරෝධීව කොටස් එකලස් කර ව්‍යාජ එන්ජින් සහ චැසි අංක යෙදූ ලොරි රථයක් භාවිත කිරීමේ චෝදනාවකට අදාළවයි.
අත්අඩංගුවට ගත් සැකකාර හිටපු අමාත්‍යවරයා ඉන් අනතුරුව හපුතලේ පොලීසිය වෙත භාරදී තිබුණි.
මේ අතර පාර්ලිමේන්තු මන්ත්‍රී චාමර සම්පත් මහතාද අද (20) පෙරවරුවේ හිටපු අමාත්‍ය විජිත් විජයමුණි සොයිසාගේ සුවදුක් විමසීමට අධිකරණයට පැමිණ සිටියා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
