එංගලන්ත ක්‍රිකට් කණ්ඩායමේ එළඹෙන ඉන්දීය තරග සංචාරය තුළ ඉන්දීය කණ්ඩායමේ ක්‍රීඩකයින්ට කරුණු දහයකින් යුත් ප්‍රතිපත්ති ලේඛනයක් හඳුන්වා දී තිබෙනවා.
එංගලන්ත කණ්ඩායමේ සංචාරය තුළ දී විස්සයි විස්ස තරග 05ක් සහ එක්දින තරග තුනක් සඳහා ඉන්දියාව එංගලන්තයට සත්කාරකත්වය සපයනවා.
එම කාලය තුළ දී සංචිතයේ සිටින කිසිඳු ඉන්දීය ක්‍රීඩකයෙකුට පුද්ගලික වාහනවල ගමන් කිරීම තහනම් කර ඇති බව අදාළ ප්‍රතිපත්ති ලේඛනයේ ඇතුළත්.
සියලුම ක්‍රීඩකයින් කණ්ඩායම සමඟ එකට තරඟ සහ පුහුණු සැසි සඳහා ගමන් කළ යුතු අතර, එහිදී කණ්ඩායම් බස් රථයක් පමණක් සකසා ඇති බවයි වාර්තා වන්නේ.
එමෙන්ම කිසියම් ක්‍රීඩකයෙකුට කණ්ඩායමේ සෙසු අයගෙන් වෙන්ව පුහුණුවීම් හෝ ක්‍රීඩා සඳහා ගමන් කිරීමට අවශ්‍ය නම් ප්‍රධාන පුහුණුකරුගේ හෝ තේරීම් කමිටු ප්‍රධානියාගේ “පූර්ව-අනුමත” අනුමැතියක් අවශ්‍ය වනවා.
ඊට අමතරව ක්‍රීඩකයින්ට ක්‍රීඩාංගණයෙන් පිටව යාමට පෙර සම්පූර්ණ පුහුණු සැසිය හෝ තරගය අවසන් වන තෙක් බලා සිටීමට සිදුවන බවත් ප්‍රතිපත්ති ලේඛනයේ සඳහන්.
මෙම නව ප්‍රතිපත්ති “නියෝගයක්” හෝ “දඬුවමක්” නොවන බවයි තේරීම් කමිටු ප්‍රධානි අජිත් අගාර්කර් පවසා සිටියේ.
එංගලන්තය අතර තරග පහකින් යුත් විස්සයි විස්ස තරගාවලිය ලබන 22 වනදා ආරම්භ වන අතර, එක්දින තරගාවලිය පෙබරවාරි මස 06 වනදා ආරම්භ වනවා.
