ශ්‍රී ලංකා පිතිකරු අවිශ්ක ප්‍රනාන්දුගේ සුපිරි පිති ප්‍රහාරයත් සමඟ ILT20 තරගාවලියේ ඩුබායි කැපිටල්ස් කණ්ඩායමට එරෙහිව පැවති තරගය කඩුලු 05කින් ජය ගන්නට සාජා වොරියර්ස් කණ්ඩායමට ඊයේ හැකියාව ලැබුණා.
එහිදී සාජා වොරියර්ස් කණ්ඩායම වෙනුවෙන් අවිශ්ක ප්‍රනාන්දු පන්දු 27ක් තුළ වේගවත් ලකුණු 81ක් රැස්කරමින් තරගයේ කැපීපෙනෙන ඉනිම ක්‍රීඩා කළා.
අවිශ්ක ප්‍රනාන්දු පන්දු 16 කදී සිය අර්ධ ශතකය රැස්කළ අතර එම අර්ධ ශතකය වාර්තා අතර එක්වන්නේ ILT20 ඉතිහාසයේ ක්‍රීඩකයෙක් වාර්තා කළ වේගවත්ම අර්ධ ශතකය ලෙසටයි.
ඊට අමතරව ශ්‍රී ලංකා පිතිකරුවකු විසින් රැස්කරන ලද වේගවත්ම විස්සයි විස්ස අර්ධ ශතකය ලෙසට ද එම අර්ධ ශතකය වාර්තා අතර එක්වනවා.
ඊයේ තරගයේ දී අවිශ්ක පන්දු 27ක් තුළ රැස්කළ ලකුණු 81ට හයේ පහර 08ක් සහ හතරේ පහර 06ක් ඇතුළත් වනවා.
ඔබේ ප්‍රතිචාරය කුමක්ද ?
+1
19
+1
1
+1
14
+1
4
+1
1
+1
3
+1
2
wpDiscuz
