සිව්දින රාජ්ය සංචාරය සාර්ථකව නිම කරමින් ජනාධිපති අනුර කුමාර දිසානායක යළි දිවයිනට පැමිණීම සඳහා මේ වනවිට චීනයෙන් පිටත්ව තිබෙනවා.
ඒ අනුව ජනාධිපතිවරයා අද (17) රාත්රියේ දිවයිනට පැමිණීමට නියමිත බවයි ජනාධිපති මාධ්ය අංශය සඳහන් කළේ.
චීන රාජ්ය සංචාරයේ අවසන් දිනය වූ අද (17)පෙරවරුවේ ජනාධිපති අනුර කුමාර දිසානායක සහ චීන කොමියුනිස්ට් පක්ෂයේ සිචුවාන් පළාතේ ලේකම් වං ෂියාඕහ්වෙයි අතර හමුව සිදු වුණා.
ඉන් අනතුරුව ජනාධිපතිවරයා චීනයේ සිචුවාන්හි චෙන්ග්ඩු ප්රදේශයේ පිහිටි ඩොංෆැන්ග් විදුලි සංස්ථාවේ නිරීක්ෂණ චාරිකාවක ද නිරත වී තිබෙනවා.
සිය සිව්දින චීන රාජ්ය සංචාරයේ අවසානය සනිටුහන් කරමින් ජනාධිපති අනුර කුමාර දිසානායක, බිම් මට්ටමේ තිරසාර සංවර්ධනය තුළින් ග්රාමීය පුනර්ජීවනය නිරූපණය කරන ආදර්ශ ගම්මානයක් වන ෂැන් කි ආදර්ශ ගම්මානය සහ ජාතික විද්යා, තාක්ෂණ හා කෘෂිකර්ම මධ්යස්ථානය නැරඹීමට ගිය බවයි ජනාධිපති මාධ්ය අංශය වැඩිදුරටත් සඳහන් කළේ.
