ප්‍රකට දේශපාලනඥයෙකු වූ ජේ.ආර්.පී. සූරියප්පෙරුම අභාවප්‍රාප්ත වෙයි

හිටපු පාර්ලිමේන්තු මන්ත්‍රීවරයෙකු මෙන් ම විශිෂ්ට ලේඛකයෙකු, දේශපාලන විචාරකයෙකු වූ ජේ. ආර්. පී. සූරියප්පෙරුම මහතා අභාවප්‍රාප්ත වී තිබෙනවා.

අද (02) පෙරවරුවේ ඒ මහතා රෝහල්ගත ව ප්‍රතිකාර ලබමින් සිටියදී අභාවප්‍රාප්ත වී ඇති බවයි වාර්තා වන්නේ.

කලක් මෙරට පාර්ලිමේන්තුවේ ද කැපී පෙනෙන මන්ත්‍රීවරයෙකු ලෙස කටයුතු කළ සූරියප්පෙරුම මහතා හිටපු විශ්වවිද්‍යාල ආචාර්‍යවරයෙකු ද වනවා.

එක්සත් ජනතා නිදහස් සන්ධානයෙන් දේශපාලනයට පිවිසි ඒ මහතා 1928 ජුනි මස 08 වැනි දින උපත ලැබුවා.

ඒ මහතා වෘත්තියෙන් ගුරුවරයෙකු ද වුණා.

විවිධ රූපවාහිනී, ගුවන් විදුලි නාලිකාවල දේශපාලන විචාරකවරයෙකු, අර්ථ ශාස්ත්‍රඥයෙකු ලෙසට ද සූරියප්පෙරුම මහතා කටයුතු කළ විද්වතෙකු ලෙසයි පිළිගැනෙන්නේ.

අභාවප්‍රාප්ත වන විට ඒ මහතා පසුවූයේ 96 හැවිරිදි වියෙහි යි.