මෙම වසරේ ජූලි මාසය වන විට බස් ගාස්තුවේ අසීමිත වැඩිවීමක් සිදුවනු ඇති බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසනවා.
අද (01) උදෑසන මාධ්‍ය හමුවක් කැඳවමින් සභාපතිවරයා මේ බව සඳහන් කළා.
බස් රථ මිල ඉහළ යාම, අනෙකුත් පිරිවැය ඉහළ යාම වැනි හේතුමත මෙලෙස බස් ගාස්තුවේ වැඩිවීමක් සිදුවනු ඇති බවයි ඔහු සඳහන් කර සිටියේ.
සෑම වසරකම ජූලි මාසයේ දී බස් ගාස්තු සංශෝධනයක් සිදුකරන අතර, මෙම වසරේ දී සිදුකරන බස් ගාස්තු සංශෝධනයේ දී ඉහත පිරිවැයන් ගණනය කිරීමත් සමඟ අනිවාර්යයෙන් බස් ගාස්තුවේ වැඩිවීමක් සිදුවනු ඇති බවයි සභාපතිවරයා වැඩිදුරටත් පැවසුවේ.
මේ අතර නව වසරේ ආරම්භයේ දී ඉන්ධන මිල අඩු කිරීමට රජය විසින් පියවර ගෙන තිබුණා නම් බස් ගාස්තු සංශෝධයක් සිදුකිරීමට ඉඩ තිබූ බවයි ඔහු මෙහිදී අදහස් දක්වමින් සඳහන් කළේ.
