ශ්රී ලංකා පාර්ලිමේන්තුවෙන් අසිරිමත් නත්තල් කැරොල් ගී ප්රසංගයක් සංවිධානය කර තිබෙනවා.
පාර්ලිමේන්තු සන්නිවේදන අංශය නිවේදනය කළේ අද (25) දිනට සමගාමී ව කතානායකවරයාගේ මගපෙන්වීම යටතේ මෙම උත්සවය පාර්ලිමේන්තුවේ කාර්යය මණ්ඩලය විසින් සංවිධානය කරන ලද බවයි.
ඔවුන්ගේ සහ අනුබද්ධිත කාර්ය මණ්ඩලයන් හි සාමාජිකයන්ගේ දු දරුවන් සඳහා සංවිධානය කරන ලද මෙම නත්තල් කැරොල් ගී ප්රසංගය පසුගිය 23 වැනි දා පාර්ලිමේන්තු පරිශ්රයේ දී උත්කර්ෂවත් අයුරින් පැවැත්වුණා.
ඒ කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් නියෝජනය කරමින් පැමිණි අගරදගුරු පදවි, ඉඩම් සහ දේපළ සහාය පරිපාලක ක්රිෂ්නක ඩිලාන් පෙරේරා පියතුමාගේ ප්රධානත්වයෙන්.
සියලුම ජාතින් හා ආගම් අතර සමගිය හා සහජීවනය ප්රවර්ධනය කිරීමේ අරමුණින් සංවිධානය කරන ලද මෙම නත්තල් කැරොල් ගී ප්රසංගය සඳහා පාර්ලිමේන්තුවේ මහලේකම් කුෂානි රෝහණදීර මහත්මිය, සහකාර මහලේකම් හංස අබේරත්න මහතා සහ දෙපාර්තමේන්තු ප්රධානීන් ඇතුළු විශාල පිරිසක් සහභාගී වී සිටියා.
කැරොල් ගී ප්රසංගය ආරම්භ කරමින්, පාර්ලිමේන්තු පරිශ්රයේ සකස් කර තිබූ නත්තල් ගස ආලෝකවත් කිරීම සිදු කෙරුණා.
wpDiscuz
