දොස්තරලාගේ විශ්‍රාම යාමේ වයස දිගු කරමින් ගැසට්ටුව නිකුත් වෙයි

වෛද්‍යවරුන්ගේ විශ්‍රාම ගැන්වීමේ වයස් සීමාව අවුරුදු 63ක් විය යුතු බවට දන්වමින් අතිවිශේෂ ගැසට් නිවේදනය නිකුත් කර තිබෙනවා.

රාජ්‍ය පරිපාලන පළාත් සභා සහ පළාත් පාලන අමාත්‍ය චන්දන අබේරත්න විසිනුයි අදාළ ගැසට් නිවේදනය නිකුත්කර ඇත්තේ.

මෙම නව ගැසට් නිවේදනය අනුව විශේෂඥ වෛද්‍යවරුන්ගේ, ශ්‍රේණිගත වෛද්‍ය හා දන්ත වෛද්‍ය නිලධාරීන්ගේ, වෛද්‍ය පරිපාලන ශ්‍රේණිවල සියලුම නිලධාරීන්ගේ, විශේෂඥ දන්ත වෛද්‍යවරුන්ගේ සහ ලියාපදිංචි වෛද්‍ය වෘත්තිකයන්ගේ අනිවාර්ය විශ්‍රාම ගැන්වීමේ වයස අවුරුදු 63 විය යුතු බව සඳහන්.

මෙම ගැසට් නිවේදනයේ විධිවිධාන 2023 වසරේ ජනවාරි මස 01 වන දින සිට බලාත්මක වනවා.