කැබ් රථයක් වනඅලියෙකුගේ ගැටීමෙන් අනතුරක් සිදු ව තිබෙනවා.
ඊයේ (16) රාත්‍රියේ දී මෙම අනතුර සිදු ව ඇත්තේ වවුනියාව – පෙරියකට්ටු ප්‍රදේශයේ දියි.
අනතුරින් කැබ් රථයට සේ ම වන අලියාට ද බරපතළ තුවාල සිදු ව ඇති බවත් වාර්තා වනවා.
පරයානන්කුලම පොලිසිය පැවසුවේ; මන්නාරම සිට මැදවච්චිය තෙක් මත්ස්‍ය වෙළෙඳාම සඳහා මාළු රැගෙන ගිය කැබ් රථයක් මෙලෙස මාර්ගය හරහා ගමන් කළ වන අලියෙකුගේ ගැටී ඇති බවයි.
අනතුරින් කැබ් රථයට සහ අලියාට බරපතළ හානි වුව ද රියදුරුට සුළු තුවාල සිදු ව තිබෙනවා.
බරපතළ තුවාල ලැබූ වන අලියාට පශු වෛද්‍යවරයෙකු පැමිණ ප්‍රතිකාර කර තිබෙනවා.
සිද්ධිය සම්බන්ධයෙන් පරයානන්කුලම පොලිසිය වැඩිදුර පරීක්ෂණ මෙහෙයවනවා.
