ජනපති අනුර ඉන්දියාව බලා පිටත්ව යයි – ජනාධිපතිව පිළිගන්න දිල්ලි නුවර සූදානමින් (ඡායාරූප)

ජනාධිපති අනුර කුමාර දිසානායක සිය ප්‍රථම විදේශ සංචාරය ආරම්භ කරමින් ඉන්දියාවේ නිල සංචාරයක් සදහා අද (15) පස්වරුවේ කටුනායක ගුවන් තොටුපොළෙන් පිටත්ව ගොස් තිබෙනවා.

ජනාධිපතිවරයා සමඟ තිදෙනෙකුගෙන් යුත් දූත පිරිසක් දිවයිනෙන් පිටත්ව ගිය බවයි ගුවන් තොටුපොළ දසත නිව්ස් වාර්තාකරු සඳහන් කළේ.

ජනාධිපතිවරයා ඇතුළු එම පිරිස අද (15) පස්වරු 02.08ට ශ්‍රී ලන්කන් ගුවන් සේවයේ යූ.එල් – 195 දරණ ගුවන් යානයෙන් ඉන්දියාවේ නවදිල්ලි නුවර බලා පිටත්ව ගොස් තිබෙනවා.

එළඹෙන 17 වනදා දක්වා ජනධිපතිවරයා ඉන්දියාවේ නිල සංචාරය සිදුකිරීමට නියමිතයි.

මේ අතර ජනාධිපති අනුර කුමාර දිසානායක පිළිනැනීම සඳහා ඉන්දියාවේ නව දිල්ලි නුවර සූදානම් කර ඇති ආකාරය දැක්වෙන ඡායාරූප කිහිපයක් ඉන්දීය මාධ්‍ය වාර්තා කර තිබුණා.